نون العين 2 @non_alaayn_2
عضوة نشيطة
سوشي في مطعم راقي بجدة
البارحة تعشيت أنا وزوجي بمطعم يمي يمي بشارع حراء "جنب حراء" افنيو في جدة.. بصراحة المطعم كويس ونظيييف وخدمته ممتازة وأكله ممتاز وسعره ما شاء الله كويس.. عشانا كان شوربة كريمة مع المأكولات البحرية "زوجي" وشوربة تايلاندية "طلعت حارة مووووت" "لي" وبعدين تبادلنا + صحنين سوشي واحد مشكل وواحد سوشي كالفورنيا+ رز أبيض+ إيدام دجاج+ إيدام لحم+ آيس تي والجك محطوط وسط ثلج .. يهبل.. ويقدموا مخلل ودقوس .. الحركة اللي يسووها لما يكشفوا الغطاء عن الإيدام اللي دوبة يطرطش مرة حلوة.. يسووا دقتين بالغطاء زي صوت الهاون وبعدين الإثنين يقولوا يامي يامي بصوت عالي :) وكل شويه تسمعيها جاية من طاولة.. بصراحة ونااسة.. الحمام أكرمكم الله نظييف وفيه غطاء ورقي تحطيه عند الاستخدام وبعدين يرمى.. بصرااحة عجبني.. راح تلاحظوا في النهاية إن صحني نظيف يلمع وهذي عادة عودني عليها زوجي الله يجزاه كل خير عشان نكرم النعمة.. نسيت أقلكم الفاتورة 263 ريال واتتركم مع الصور ويااااااااارب تنزل لأني أول مرة أنزل موضوع في هذا القسم ,أشكركم جميعا لأني استفدت منكم كثييييييييير.. :32: أحبكم
31
12K
يلزم عليك تسجيل الدخول أولًا لكتابة تعليق.
الصفحة الأخيرة
وبالعافيه عليك انتي وزوجك