منى اللي هي أنا؟ :)
اذا عندك فعلا رغبة بالدراسة ....فلا تخافين من شي ابدا....بارجع اكتب لك بالتفصيل ان شاء الله عن تجربتي مع الدراسة هنا...انا ما ادري عن الحاسب ..انا جاية عشان اسوي دكتوراة في تخصص من تخصصات طب الاسنان ...ويارب اتخرج هالترم يارب...لي 5 سنوات في امريكا..
بارجع لك ان شاء الله قريب بس اتفرغ شوي.
انا والله ابي اكمل دراستي بس الخوف من البدايه كيف ابدرس في قاعه مليانه رجال وحريم وكيف طريقة الدراسه انا بصراحه من النوع الخجول يعني مش جريئه ابدا
يعني لو قومني الدكتور وسالني وماعرفت الاجابه وفشلني قدام الطلاب احس اني ببكي
انا شطارتي كلها على الورق مش في الحوار والمناقشه
يعني مشكلتي الوحيده في الخجل وعدم الجرئه وبصراحه زوجي مصر على البعثه يقول اقل شي راح تكسبين ثقه بنفسك وجرئه في الحوار والمناقشه
ا اخت منى الله يعافيك ابي اعرف كيف طريقة الدراسه عندكم وكم عدد ساعات الدراسه ؟
انا سمعت ان الدراسه في امريكا اسهل من هنا بس احب اسأل اللي درسوا كيف النظام في الدراسه والامتحانات وطريقتها وايضا وش التخصصات المتعلقه بالحاسب يعني اقدر اتخصص برمجه او طرق تدريس ابي اعرف وش التخصصات المتاحه عندهم؟
وش اكثر الصعوبات اللي تواجهونها في البدايه ؟
وش الزي اللي تلبسونه كامسلمات يعني تلبسون العبايه السواد عادي ولا تلاقون صعوبه؟
يعني تكفون تكلموا بصراحه وبتفصيل عن الدراسه بشكل عام
الله يوفقكم