سوف يزورنا ناس لرؤيتي بمعنى جلسة تعارف (اقترحوا علي)

أخي الحنون@ :

.

.

دريم دراميل :

هم جايين يخطبونك؟ ولا بس بيتعرفون عليكم! وطبعا يفرق اذا كانوا الضيوف حريم كبار صح لفارق العمر بينك وبينهم لازم تقدرين أن الكبار يفضلون الثقل ومايحبونك توزعين ابتسامات كذا بدون سبب هذولي فقط زي ماقلت لك الكبار حتى مو كلهم بعضهم أما لو كانوا حريم عادي يعني متفتحات أو شابات أو حتى بنات بعمرك فبصراحة غريبة فكرة أمك اذا كانت جلسة تعارف ليش الثقل؟! اذا أنتي طبعك بشوش مستحيل تقدرين تمثلين الثقل أو تتصنعينه بيطلع شكلك بايخ بصراحة :/ بعدين يعني ماهي جلسة رسمية ولا هي جلسة عمل ولا هو لقاء أول وأخير دامها تعارف يعني تكوين علاقة ومع الأيام بتقوى علاقتكم مع بعض فحلو تكونين على طبيعتك من البداية طبعا لاتصيرين خفيفة وتضحكين من غير سبب وتوزعين ابتسامات غبية عادي خليك طبيعية بشوشة ورحبي فيهم وسولفي معهم اهم شي لاتتدخلين بأشياء خصوصية سولفي بمواضيع عامة اذا أحد سألك جاوبي عادي وأنتي مبتسمة والله الابتسامة تريح وتطمن وتحسسك بالبساطة والرسول صلى الله عليه وسلم قال: (تبسمك في وجه أخيك صدقة) يعني العبوس والثقل تنفر من الواحد وتحسسك انه مغرور أو شايف نفسه أو متقرف من الي قدامه أو مو عاجبته الجلسة! فمو حلو تعطين هذا الإنبطاع عنك من أول لقاء عاااااادي ابتسمي في الوقت المناسب خليك جادة بالموقف المناسب انتي بنفسك تخيلي رحتي لناس أول مرة تشوفينهم واستقبلوك كذا بوجه جاد وبثقل بتحسين أن وجودك غير مرغوب فيه تحسين الجلسة ثقييييلة على قلبك وودك تطلعين منهم بأسرع وقت وأعتقد انك ماراح تفكرين ترجعين لهم مرة ثانية! كل هذا فقط من (تعابير وجههم)! ضيفيهم بالقهوة اول الجلسة وبعدها اول ماتخلص فناجيلهم ارجعي صبي لهم ولا تشاورين لاتقولين اصب لك أو تبين كذا وكذا؟ لا من نفسك ضيفي وقدمي. بعد ثاني فنجال روحي جيبي العصير البارد ودوري عليهم فيه ولو معه قطعة حلا أو كيك أو فطاير أو شي وزعيه بعده على طول خليك نبيهة طول الجلسة لو لاحظتي وحدة احتاجت منديل فزي وعطيها أو وحدة كحت جيبي لها موية يعني لاتصيرين بس جالسة تنتظرين الأوامر من أمك ولاتكونين واقفة على روسهم عادي اجلسي طبيعية وهم يسولفون وأنتي تسولفين خليك منتبهة لهالأشياء الميك أب لاتتكلفين كحل ماسكرا روج لو بشرتك تعبانة حطي أي كريم يعطيها نضارة زي بيبي كريم أو فاونديشن (خفييييف) حطي مناكير البسي شوز مريح مو سبورت ممكن فلات أو كعب خفيف فستان ناعم كذا مثلا http://holicoffee.com/wp-content/uploads/2015/01/cute-valentine-date-night-outfit-pretty-spring-style-fashion-tip-ideas-10.jpg   او كذا طبعا بدون الشنط لأنك داخل البيت http://i2.wp.com/www.tdgmag.com/wp-content/uploads/2015/02/collage21.jpg?resize=600%2C456 لاتتكلفين أبدًا أبدًا ولاتصيرين بسيطة زيادة عن اللزوم خلي ستايك أنثوي ناعم يلفت ويفتن اخدي افكار من النت اكتبي في قوقل outfit idea أو lookbook style بتلقين افكار كثيييرة وطبقي الي يناسب ذوقك وعاداتكم.

هم جايين يخطبونك؟ ولا بس بيتعرفون عليكم! وطبعا يفرق اذا كانوا الضيوف حريم كبار صح لفارق العمر...