سوق الجمله بالدمام ... مين تدل فيه؟

up

لا تدورين شي اصلي بسوق الجملة تراهم لعابين وكل بضايعهم خرطي ترى امي تموت في شي اسمه سوق ودايم ماخدة السواق ودوارة من سوق لسوق تراها هواية عندها وفي يوم من كثر مدحها قلت اروح معاها واشوف هالسوق العجيب اللي امي شوية وتسكن فيه ويوم رحت له بس الحمدلله ما كان يوم جمعة ورحنا بدري ترى امي عندها خبرة في الاسواق وتعرف دواماتهم ومتى تروح ويوم دخلت السوق تفاجأت ان كل شي فيه رخيص بس ما هو بأصلي وامي تهاوشني وتقولي يلا خلصينا واشتري بس ايش اخد ما تحصلين من العطر الا شكل الغرشةو العطر اللي فيه خايس ولو دققتي زين حتى الغرشة مو نفسها وامي تقولي انتي ما اعجبك علشانه مو غالي وامي تاخد وتشيل بالدرازن الشامبوهات والصوابين والعطور اللي تبي ترزها على الغسالة علشان ضيوفنا يتعطرون بها عقب الغدا او العشا بس ايش ريحتها تلوع الكبد ولا اقلام الكحل لو ما حد حصلها عندهم تلاقونها عند امي محتكرتها يمكنها خايفة تنفقد من السوق وكل ما جاتها حرمة قامت واعطتها كحل على غرشة عطر الشي الوحيد اللي قدرت اخده هو السيشوار وفرشة مثل حق الصوالين وحلفت بعدها ما اطبه الله يخليلنا بقشان وقزاز العطور والماكياج عندهم وبس

ويش حليلي :27:

هههههههههههه ياعمري على امتس


بس يختي يقولون فيه العطورات في المصباح الظاهر .. واللي يقولون لي بنات كشخه مرة ..


بس المشكله انهم مادلوني وين ..


ووحده سوت لها كوشه رووووووووووووعه من جد .. ومهي اي كلام والله روعه
وكلها اقمشه من هالسوق


بس ابي حد يدلني ياجماعه

حبيبتي ..
الشارع اللي رحتي فيه هو شارع العطورات بالجملة .. ما في غيره واللي وراه الاكسسوارات .. بس ما أنصحك أبدا تشترين منهم .. خاصة العطورات وأدوات التجميل .. مقلددددددددددة والدليل : خذي عطر من اللي يقولون عليه ماركة أصلية
مثلاً : دولتشي فيتا من ديور .. رح تشوفينه بنص السعر صحيح .. بس تقليد ..
اقلبيه وشوفي معلومات العطر مكتوبة بورقة وملصوقة .. مو مثل الأصلي محفورة على نفس الزجاجة .. عرفتِ كيف تفرقين بين الأصلي والتقليد ؟..

حتى في الأسواق العادية المحلات اللي مو مشهورة .. تبيع تقليد للعطر فانتبهي
دايما اقلبي وشوفي المعلومات ملصوقة ولاّ محفورة ..

الجملة حلوة لما يكون عندكم أسواق خيرية .. في الاكسسوارات والقرطاسية فقط .. وأحيانا هدايا الطالبات من شهادات تقدير وغيره .. تفيدك وتخدمك .. ألعاب الأطفال ولوازم الحفلات .. توفر عليك ..
غير كذا ما أنصحك ..

مع حبي :)

تسلمين حبيبتي علا

انا يوم شفت العطور استغربت .. وين اللي يقولون اصلي؟؟

كله تقلييييييييييييييييد

حتى المكياج معفن صراحه



ماجازلي ابد وشكلي بهون منه مرة وحده


شاكرة لكم يابنات