وين الهزازي فيه

بنات ممكن اعرف الوصف مظبوووووط علشان اروح له

انا مجهزة بيتي منها قبل الزواج من اول شي الا اخر شي بدون طبعا الثلاجه او الفرن
ومكلفني اقل من 7000 من بلاندر وطاحونه وسفرة كبيرة مرة كرتونين روعه واقدور شكلين معدن وستيل واصلي كله وصواني تيفال وعندهم نوع اسمه تريلفون والله له اكثر من سنتين ما تغير عند وارخص من التيفال وملاعق اصليه وشوك وسكاكين الكل يسّأل من وين هذا غير علب السكر والشاهي والزيت وصحون الخزف اشكال مثل التلفزيون واحلا وطقم شاهي وقهوة وكاسات وترامس شاهي وقهوة وعلب تمر كله يوفرونها لك طقم ويرعونك بس لازم تدورين وتسعرين وتفاصلين وكله شارع واحد وكله وكلات بعد واضمن للاحهزة
والوصف اي لومزين يوديك على طول انتي قولي شارع السباله هذا اسمه وخلاص والله راح تنهبلين من كثر ماراح تشوفين فيه من اشياء

وموفقه

السباله رخيص إذا كنت بتأخذين جمله هذا بالنسبه للاواني المنزليه وإذا كنتي تبغين ملابس واكسسوارات فروحي للمرقب (سوق في البطحاء ) رخيص جدآً خاصه الجمله والله الموفق

وانا بقولكم تجربتي صح السباله سوق جمله لكن في كل مكان إذا ماتكاسرين وتبينين إنك فاهمه الاسعار وإلا سوف يستغفلونك ويعطونك سعر غالي إذا قال ب200 قولي ب100 علشان توصلين للسعر الحقيقي وهو سوق شامل الاواني المنزليه والتحف وانا سبق وشريت منهم اواني للمطبخ ولقيتها بره بزياده كل شيء اكثر مماشريته فيه ب10 او15 او8 على حسب يعني فيه توفير بس للذكي اما إذا كنتي تبين اشياء بسيطه مايسوا العنوه وعلى قولت الاخوات الدخله لذاك الشارع مرض