مياس 22 :

السلام عليكم .. اولا نورتي الرياض وياهلا ومرحبا فيك .. وثانيا الماركات خليها على جنب انا اشتريت منها ولاشفت زووود ابدااا لا في اللبس ولا الغسل ولا شي والوحده هي اللي تزين لبسها مو لبسها اللي يزينها اذا جبتي شي يليق عليك من ناحية لون بشرتك وجسمك بتطلعين احلى واكشخ من ام ماركه اللي بازه بعمرها(شايفه نفسها بالماركات يعني) عندك الهرم وفيه المحلات اللي تجي مثل الهرم وهي كثيره والله ومنتشره في الرياض بس لوتقولين انتي في اي منطقه في الرياض عشان افيدك اكثر والجلابيات عندك الشبيلي واسعاره حلووه اما سوق حجاب انا ماجيته الا مره وحده لانه بعيد عني مره وهو حلووو وفيه اشياء ارخص من الاسواق الثانيه بالنسبه لي اخذ لي ولبنتي من الهرم وبشائر الخير في البديعه واسواق ريمان جعلها تسلم فيها اشياء حلووه وفيه محلات كل شي بـ 30 ومحلات كل شي بـ 20 خذي للبيت وللطلعات انا اخذ منه وحلوو مره وفيه عندك سوق اليمامه محل طلال عنده كل شي بـ 20 فيه اطقم وفيه انتي تركبين على بعض واطلق من الماركات وفيه له فرع في ريمان وعندك القريه الشعبيه في الدخل بعد سوق شعبي متكامل تبين بـ 5 والا 10 والا 100 اللي تبين ولا فيه بعد اللي في الوسط نفس المعارض لكن ارخص وفيه قريب من القريه محل كبير اسمه( اكبر ) هذا فيه اشياء حلووه ورخيصه واذا تبين تهدين لاحد خذي منه عنده اشياء تواجه وغلفيها وضبطيها وتطلع احلى هديه .. هذا اللي قريب من عندي في البديعه والدخل وانتي في اي منطقه عشان افيدك اكثر .. اعتذر للاطاله .. واذا ذكرت شي بكتبه >>> مطوله الاخت .. ..

السلام عليكم .. اولا نورتي الرياض وياهلا ومرحبا فيك .. وثانيا الماركات خليها على جنب انا...