سوق عكاظ في دبي.............. ؟؟؟

أخت اتصدقين صار لي 10 دقايق أكتب لج شرح مفصل عن سوق عكاظ وينمسح لين مليت
بس فالج طيب بكتب اللحين موجز عن اللي أعرفه
الموقع : سوق عكاظ عبارة عن محلات متلاصقة لها سقف واحد كأنها بناية عريضة من دور أرضي لونها على ما أعتقد أخضر وهي جنب سوق مرشد وسوق نايف بل أعتقد ان يمكن اعتبارها امتداد للسوقين
الأشياء الموجودة هناك: الملابس الهندية بأنواعها المطرزة مثل الملابس هندية بالاورغانزا اللي تصلح للمناسبات والناعمة مثل الجلابيات اللي عند شيتال تصلح للزيارات العائلية والخفيفة مثل جلابيات هريس اللي تصلح للبيت وبعد عندهم جلابيات حلوة للبنات الصغار وعندهم سراويل وشيل بيضاء للبيت وشيل صلاة وماشابه من هاي الأغراض ونسيت أقول لج ان أسعارهم وايد حلوة وفي متناول الجميع:27: :26:

مرحبا أختى نجمة الراعي بالنسبة لسوق عكاظ .. فهو في دبي ومكانه في آخر شارع نايف
ويشتهر بالجلابيات الهندية و عندهم شغلات وايد حلوه للبيت وللطلعه
ومش طبعاً بمستوى اليشمك أقل شوي .. بس فيه هناك محلات متميزة مثل شيتل و نعيمه جمعه
أما بالنسبة للأسعار فهي جداً معقولة من 40 درهم إلى 180 درهم تقريبا.
أما بالنسبة للفرق بينه وبين سوق نايف بمستوى سوق عكاظ أفضل وهندهم شغلات مش موجودة في نايف
أما بالنسبة لسوق مرشد فيعني متقارب في البضاعه بس التشكيله في سوق عكاظ أكبر وأوسع

انا سمعت ان فيه شييل اتهبّل والكويتيين ياخذون من هالشيل ويبيعونها في الكويت :27:

مشكورة يا خواتي على الخدمة الحلوة