سوووال عن نظرررة الححسد

لأن يا حبيبتي العين حق حق حق ذكرت في القرآن و في السنه

و حذر منها ووجهنا لأتقائها

فطبيعي اللي متزوجه و عندها أحد من قرايبها مو متزوجه و كبيره في العمر يعني أغلب تفكيرها منحصر

على الزواج أكيد بتخاف منها كلنا مؤمنين ولله الحمد بقضاء ربي و محافظين على الورد وعلى الأذكار

لكن العين حق وأمرنا بفعل الأسباب لأتقائها

وصحيح كل شيء مكتوب لكن ( لا يرد القضاء إلا الدعاء ) و الورد والذكر من الدعاء

و الزمان هذا صار يخوف الناس صارت ما تخاف الله ولا تعرف شيء أسمه ذكر الله

تلاقي الأخت وهيا الأخت تحسد أختها فكيف البعيده عنها

فيه البعض مبالغ فيه وهذي فئه مريضه اللي تسحب ع صديقتها ولا تفشخر عندها والاتحسسها بانها ناقصه لازوج ولاوظيفه ولاولد ولاترد عليك ولا ولا ..الخ
وفيه اللي معاهم حق لاتلومينهم ..
مثلاً : جاره اختي متعرفه ع جاره ولها بنت مطلقه وكانت علاقتها مع بنتها والله حيل قويه لدرجه حتى غرفه نومها تدخلها بالمررا يعني تدرين وش سوت امها اخطبت بنتها المطلقه لزوج جارتها يعني صديقتها ..
والله انه وافق وقال الملكه ببيتي ؟! وامها تعزم الحريم بيت جاراتها وهي ماتدري عن المناسبه ع بالها عشاء لاصدقائه وتجمعوا الحريم ببيتها وهم يدرون انها ماتدري ..؟! وعلمها بعد ماملك وسمعوا تصارخ وتبكي بس رضت ..؟!؟ عمرك شفتي جراءه مثل كذا والله وحضرت زواجه بعد وترقص واختي حاضره الزواج ..؟
اذا جت جمعه حريم وصادف وحضرت وصديقات اختي وجاراتها يقولون شوفي هذي خانت جاراتها ):
صعب تثقين باي احد ماتدرين باي وقت يخون ..؟!
واختي بعد وحده تحاول بزوجها يتزوج بنتها وعلم اختي يقول تلمح لي اختي سكتت وبجمعه الحريم تكلمت وزعلت المراه وقامت ..
ع قوله اختي تقول بالمنطقه هذي توقعي كل شي ..
فعلاً انا عندها اللحين وشفت بعيوني ..
وارجع واقولك لاتلومين الكل ..

وصدقيني الله قادر يرزق كل بنت بزوج اقدار الله مبطنه لكننا من القوم الذين يستعجلون ..

هههههههههههههه اجل انا العكس ماتزوجت وكبيره بس اخاف من عيون المتزوجااات وبقوووه بيقولون فاضيه لاشغل ولامشعله ولاهم عيال ولا رجل لان اذا فكرتي الزواج باختصار تعب ومسوليه ودي اقول لاي وحده متزووجه تراي انا الي اخاف من عينك ريحي قليبك

ونا مثلككك اخاف من نظره المتزوجات ليه لاني لسى بنت وسفريات على كيفي

ولا ورع ولا رجل يزن على راسي والحممد لله وربي ارحم خواتي ممدري كيف عايشين مع اطفالهم

يجبون الصداع الله يعين وربي انظر للمتزوجه نظره شفقه

وكممان وتماشي مع اهلي وخوالي وعمامي انام عندهم زي مابغى

يعني حنا ي البنات الي نخاف من نظره المتزوجات

اولا موكل وحده كبيره وماتزوجت تحسد بس فيه حريم تفكيرها زفت حيل وتجي ومنخرعه ومدري ايش طيب تحصني ولاتبين لبنت الناس