سوو لي ميزانيه توفير..صرنااااا ع الحديده..ضروري

ابرة وخيط :

طيب كم الاجار الشهري للبيت وكم معدل فاتورة الكهربا وهل بتموني البيت شهري؟؟؟

طيب كم الاجار الشهري للبيت وكم معدل فاتورة الكهربا وهل بتموني البيت شهري؟؟؟

ابرة وخيط :

انا مريت بفترة كان فيها راتب جوزي قل شوي لانه شغله بيعتمد على السفر وبسبب ظروف ببعض البلاد قلت سفراته وبرامجه فخف الراتب بشكل مو طبيعي وقدرت اسيطر على الوضع بسبب التنظيم شوفي.. اجار البيت عامليه وكانه شهري يعني مو انه تركني خلص ما احنا بندفع كل 6 شهور من هون لست شهور بفرجها ربنا اكيد بفرجها بس انتي كوني برضوا مزبطة امورك والست الشاطرة هي يلي بتعرف تمسك مصروف البيت وماتخلي زوجها يداين من حد اويجي اخر الشهر والجيب فاضي حتى لو براتب قليل... انا كانه فهمت انه بتدفعي كل 6 شهور 7 الالف يعني بدك تشيلي كل شهر وتجبررري حالك على هذا الشي وانتي حرة لانه لما يجي البيبي بتشوفي كيف ما بتلحقي على هذا الراتب فبدك تمشي على نمط مرتب ومنظم اولها الاجار لانه متل ما بحكواعنا اخر الشهر على الباب يعني ما بتلحقي تدفعي الاوجايكي الشهر يلي بعدو فخليكي منظمة وشيلي شهريا من ال 4200 ريال شيلي تقريبا 1000 ريال ...... ردي علي ولاتركككككني ... وشيلي لفاتورة الكهربا 150 ريال اخذنا الوسط الحسابي هذول بنتشيليهم اول ما يمسك جوزك الراتب وقبل اي شيء بتشيليهم وانتي مغمضة فررررض لانه اجار البيت والكهربا ما بستنوكي اما صاحب الشقة بفضحكم او بتراكم عليكم وشركة الكهربا بتقطع عنكم لعدم السداد فهدوليعتبروا اولويات بنشيلهم فورا وبيبق معكم: 3050 ريال.... بدك تحسبي حساب اكلكم وشربكم يعني البهورة بدك توقفيها حاليا وتركزي على الضروري لكن ممكن انه شهر نجيب اغراض نعتبرها رفاهيةعلى ذوقكم مثل خلطات الكيك والكريما ومكسرات وغيره... لكن بدك تعرفي تجيبيمونة تكفيكي شهر كامل تحسبي حساب المعلبات يلي انتي بتستخدميها مثلا الشهر هذا ناويةتعملي بيتزا بتجيبي الزيتون الاسود لا تجيبي اكتر من علبتين وجيبي فطر علبتين مثلا او ثلاثة خلي عندك وحدة احتياط متل هيك واختاري المعلبات يلي بتستخدميها بالطبخ متل البازيلا والحمص الحب ورب البندورة ولاتجيبي كميات عائلية لاءيادوب ثلاث علب من كل شيء... جيبي طحين وشغلات ممكن تنفعك بحال انقطعتوا من المصاري انه تعملي معجنات مثلا وخلي عندك فريكة للشوربة وشغلات عملية ثمنها رخيص بمونة البيت... جيبي حسب رغبتكم انتوا ما بعرف شو بتطبخي او شو استهلاكم اكتر شي... المنظفات اللي عندك منه بالبيت لاترجعي تجيبيه حتى توفري لغرض تاني مثل هيك والاهمممم اعملي ميزانية وما تتعديها مثلا للتموين 700 ريال... لهون صرنا 2350 ريال واحنا باول الشهر مونا البيت وضبينا فاتورة الكهربا واجار البيت ومعنا 2350 ريال... لسه..في شغلات بدك تحسبي حسابها المستشفى بنزين السيارة دخان زوجك ومبلغ للطوارىء بيجيكي ضيف بتطري تشتري شي للضيافة او بتصير مناسبة او غيره بدكم تتغدوا مثلا برا البيت ولاتنسي بدك تبلشي بعد كزا شهر تجهزي للبيبي...

انا مريت بفترة كان فيها راتب جوزي قل شوي لانه شغله بيعتمد على السفر وبسبب ظروف ببعض البلاد قلت...