سويته من اليوم وجهزته للعيد ..شكولاته طعمها لذييذكأنها من شكولاين من لذاذتها ..

السلام عليكم ورحمة الله ..
كيف حالكم أخواتي ؟.. كيف حالكم قبل العيد ؟
كيف استعداداتكم لبكرة والعيد ..
جعلنا الله وإياكم من االمقبولين ..وكل عاام وانتم بخير وأنتم إلى الله أقرب ..

جيناااااااااا للجد ..
سمعوا سويت أمس شكولاته لذيذة والله طعمها لذيذ كل من ذاقها فكرها جاهزة ..ولما أقول لهم أني مسويتها أخذ مني الطريقة ..
لذيذة ..لذيذة لا تفوتكم ..سوووها وأدعواااااااااا لي ..

المقادير :
شكولاته قوالب
( مو أي قوالب حبيباتي ..قوالب شكولاته اسمها كانوبي بالحليب مو الغامق ..بالحليب يباع عندنا في السعودية في محلات عبدالوهاب عابد ..
سعره تقريباً الصغيرة 25 ريال وهذي أنا أعمل منها لعائلتي الكبيرة 5_6 مرات منها )
والكبيرة ب60 ريال )
+ زبدة الفول السوداني ( بنات بنتر )اللي باللوز المجروش..
+ كورن فلكس مكسر أو رز محمص أو مكسرات
الطريقة :
تأخذي كمية من الشكولاته تقريباً صفيحتين وتعمليها على حمام مائي ألى أن تذوب ..
بعد ما تذوب تماماً ..
خذي ملعقتين كبار زبدة الفول السوداني ( باللوز المقطع ) وخلطيها مع الشكولاته ..
بعدين أرفعيها من على النار وخليها على الحمام ..
وضعي عليها الكورن فلكس المكسر ( كسريه بيدك بس موتكسرينه كثييير )
المهم إلى أن يصير كمية الكورن مع كمية الشكولاته متعادله لكن حاولي تكون الشكولاته أكثر ...
أوتحطين بدل الكورن ( الرز المحمص من نفس ماركة الكورن )
أو مكسرات ..

لكني جربت الكورن والرز المحمص
وصااارت تجنن ..

المهم :

بعد كذا خذي ملعقة السكر الصغيرة وعبي بها قوالب الثلج الصغيرة بأشكالها الحلوة ..
وضعيها في الفريزر ألى أن تجمد والزين فيها ما تطول ..

أنا كانت لما يجوني ضيوف أروح أسويها قبل ما يجون ب5دقائق ولما يجون على طول أحطها مع القهوة ..


ويالله جربوها وردوا علي ..
ولا تنسون شكولاته كانوبي بالحليب ..

لا والزين بعد في هالشكولاته أنها ما تسيح مع الجو ..
سويت مرة ملكيتا والله ماهو مثل هذا أولا ما يذوب ثانياً طعم هذا ألذ وأحلى وبتشوفون الفرق ..

وجربوهاااا وأحكموا ..
:cook::21::cook: