افتكر انا مرة مجهزة حفلة لعيد ميلاده ومشتريه الهدية من أسبوعين وتاركتها فبيت أهلي كانت فبوكس كبير الممهم جا ياخذني ليلتها من عند أهلي وحطيت البوكس فكيس استغربت انو ما اهتم بس طنشت وفنص الطريق سار يقولي هاذي باقي ملابس الدبش دوبك جايبتها انبسطت انو ماعرف عشان مايخرب اللي مجهزتو لأنو كان ناسي عيد ميلادو
وياستي اول ماوصلت البيت دخل هوا استحم على طول برضو انبسطت قولت ياسلام كل شي جا فصفي رحت وبسرعة البس وارتب غرفة النوم وأخلي جوها رومانس واستناه يدخل بس دخل انا انصدمت الأخ داخلي بسروال وفانيلة استنيت الاغنية تخلص وعملت حالي ما فهمت الا شويا يقولي معليش بس انا معزوم ولازم اخرج دحين وجلس يعتذرلي بس طبعا مررررا عصبت انا بس ايش اعمل سارت ذكرى والى الان ماتوبت ☺️☺️
الصفحة الأخيرة
😭خلص الغاز وهو بالدوام وخربة الحفله من جد شي يقهر وخلاص تكنسل كل شي اعطيته الورد والهديه من دون شي ولاحفله ولاتجيهزات وبدون شموع الشكوى لله نعيدها له السنه الجايه اذا نجح 😅