سويت أشعة الصبغه وياليت ما سويتها 😔

أتوقع أغلبكم عارف قصتي
أستشاري العقم قال لي لازم تسوين أشعة صبغه لأَنِّي سقطت مرتين


وقال لزوجي بنسويها مع تخدير


طلعنا من عنده ورحنا لقسم الأشعه وحجزنا موعد راجعت طبيبة التخدير علشان تسألني كم سؤال مهم


ما أخفيكم الحاله النفسيه ألي عشتها قبل الأشعه خوف فيني لأَنِّي دخلت النت وقرأت تجارب البنات وعرفت أن طبيعي أنزف بعدها
حتى الأستشاري بلغني لازم أخذ مضاد ثلاث أيام بعدها وقايه من الألتهابات
كان موعد أشعتي الصباح وكنت صايمه علشان أخذ البنج
وصلنا المستشفى لقسم الأشعه أتنظرت في أنتظار النساء لما نادو أسمي كانت طبيبه سعوديه منقبه حسّيت أنها فاهمه وأرتحت لها وقالت لزوجي خلك في الانتظار
ولما ننقلها لغرفة الأفاقه راح نناديك


دخلت الأشعه مثل غرفة العمليات سألتني عن العمر وكم طفل عندي وعطتني أوراق أوقع عليها
عطتني لبس العمليات و كان فيه دورة مياه جوا غرفة الأشعه وغرفة أحط فيها ملابسي وعبايتي وشنطتي
فرغت المثانه ونزلت ملابسي ولبست لبس العمليات و تمددت على السرير غطتني الطبيبه بشرشف أبيض وركبت فيني الممرضه أبرة المغذي بدون المغذي لأَنِّي صايمه
بعدها جاء طبيب بنج مو طبيبه 😔😔
لبسوني قناع مثل قناع الأكسجين وطلبو مني أخذ نفس وفي النفس الثالث نمت
صحيت لقيت نفسي في غرفه ثانيه ومركبين فيني مغذي وجهاز تخطيط القلب و شي على خشمي على أصحا
ما تتخيلون كمية النزيف ألي نزفتها وألم مثل الدوره الشهريه وجلست يومين دايخه من البنج ونزيف
مره تعبت منها وقال لي قبل الأستشاري أن النزيف بيستمر أسبوع وعندي موعد بعد أربع أيام لمعرفة النتيجه


أنا ما نزلت موضوعي أخوفكم لكن حبيت أوصله لكم أنها موسهله مثل ما قالو لي