سويت اشعه الصبغه من 6 شهور ولا حملت والدكتوره تقول لازم منظار

السلام عليكم




انا سالفتي طويله بتاخر الحمل من 6 سنين ذكرتها بموضوع سابق وزوجي كان عنده دوالي وسوى العمليه


وبعد عمليته ماحملت راجعت قالت الدكتوره بما ان تحاليلك كويسه نسوي لك تصوير للقنوات
وسوت لي اشعه الصبغه وقالت الانابيب طلعت مسكره عندي وانفتح اليسار مع الصبغه ومشت فيه واليمين انفتح نصه


وقالت لي خلاص روحي ان شاءالله شهرين وتحملي


وصار لي 6 شهور ولا حملت وتوها جتني الدوره وانهرت نفسيا من انتظار الحمل


وراجعت دكتوره ثانيه لان اللي سوت لي الاشعه برا المملكه بدوله عربيه ولا اقدر ارجع لها
المهم رحت دكتوره ثانيه اشوف وشرحت لها كل شي قالت اصلا انا ماني مقتنعه باللي سوته لك هذيك الدكتوره كيف عرفت ان انبوب انفتح .. قلت لانه مشت فيه الصبغه
قالت لا ما يصلح لازم تسوي منظار للرحم والانابيب عمليه تحت تخدير




وانا مدري هل هي صادقه ولا لانه مستشفى خاص تبي تسحب فلوس وتسوي لي منظار ع قله فايده


ومدري كم نسبه الحمل بانبوب واحد !!!!!!!
والله يرزقني وكل محرومه والله رحيم