السلام عليكم ورحمة الله وبركاته
جمعة مباركة باذن الله
يابنات حبيت اشارككم او اخبركم على احساسي
انا البارحة سويت حادث بالسيارة كانت عمتي معاي ونزلتها المستشفى وانا طالعة من المستشفى سويت الحادث
بقولكم كيف كان الحادث انا كنت طالعة من شارع جانبي وسبحان الله كنت اشوف الشارع كلة من المرايا ما شفت الا سيارة جاية من بعيد جدا
فقلت بطلع ولما طلعت الا انا وشاحنة كبيرة نمشي بجانب بعض حاولت اتفاداها بس سبحان الله كنت اسمع صوت السيارة وهي تتكسر بس الحمدللة انا بخير ما صابني شي بس الي يشوف كيفية الحادث يقول ان الله سبحانة وتعالى هو الي نجاني بأعجوبة
المهم كلمت الوالدة وهي بدورها صحت الوالد من النوم كانت الساعة 2 الظهر تقريبا
وبعد ما رجعت البيت وقبل ما انام كنت اتخيل اني مت اتخيل حالة ابوي وامي اتخيل انهم يغسلوني وانهم يصلون علي ويسلمون علي ويمشون اتخيل انهم يدفنوني وراحوا وخلوني ما ادري ليش الحادث مأثر علي وايد وايد
صح عادي اضحك واسولف بس حاسة ان في حكمة وتحذير من هذا الحادث بس شو الله اعلم
بس حبيت اخبركم عني وباحساسي وادعولي الله يرضى عليكم انا من فترة احس بضيق بليل واني ما اقدر اتنفس وحاسة اني بموت ودايما اقولهم ان الانسان يحس قبل ما يموت ب 40 يوم وجاء الحادث والحمدلله ما مت
دعواتكم

بنــ الامـــارات ـــت @bn_alamarat_t
عضوة فعالة
يلزم عليك تسجيل الدخول أولًا لكتابة تعليق.

masha3er_uae
•
الحمدلله على سلامتج اختي

تستاهلين السلامة الغالية وماتشوفون شر انشاءالله ...
وذكرتيني بالحادث اللي صارلي وسبحان الله فكرت بللي فكرتي فيه وفوق ها كنت اقول لو مت في الحادث شو بيكون مصيري الجنه ولا ا لنار ؟؟؟؟؟
بس الحادث اللي صارلي كان في شارع الامارات الفليل يعني الاجواء كانت مخيفة اكثر خاصة ان هالشارع كله للشاحنات ...
عالعموم الف سلامة عليج الغالية ...
وذكرتيني بالحادث اللي صارلي وسبحان الله فكرت بللي فكرتي فيه وفوق ها كنت اقول لو مت في الحادث شو بيكون مصيري الجنه ولا ا لنار ؟؟؟؟؟
بس الحادث اللي صارلي كان في شارع الامارات الفليل يعني الاجواء كانت مخيفة اكثر خاصة ان هالشارع كله للشاحنات ...
عالعموم الف سلامة عليج الغالية ...

أم ثوبان
•
أختي حمد لله على سلامتك
ولا تفكرين في سالفة الأربعين هذه لأن يمكن كل التفكير من صدمة الحادث
الله يطول بعمرك في الطاعة إن شاء الله .
ولا تفكرين في سالفة الأربعين هذه لأن يمكن كل التفكير من صدمة الحادث
الله يطول بعمرك في الطاعة إن شاء الله .


raheeq
•
حمد الله على سلامتج اختي وفعلا ماتفكرين بسالفة الاربعين وإلا صج بتتعبين خلي يقينج بالله سبحانه وتعالى وتوكلي عليه 0
الصفحة الأخيرة