))))) سويت العمليه عند الدكتور لطفي الدقر ))))

اول شي حابه اشكر البنات اللي تفاعلو معي في موضوعي واللي كتبوا لي ردود
واللي ارسلوا لي رسايل خاصه
بصرااااحه لولا الله ثم مساعدتهم ماكانت نجحت العمليه
وراح ادعي لهم من كل قلبي ان الله يوفقهم ويسعدهم

في موضوعي :
عملية تجميل يا ((( بنات جده )))
http://forum.hawaaworld.com/showthread.php?t=573112

الف شكر لــــــ :
همسة غرام
ndooo
لوليتا900
مشمشه
رقه ودلع
miss_smilie
من ديار ابو متعب
um lamis
عيون المها
ام الشهد
تشيكن
بكاء الياسمين
شرووق
سنابل الشرقيه
عاااابرة

:)
اقول لكم قصتي :
طبعا من الاسماء اللي اقترحوها البنات اخترت الدكتورين : ممدوح عشي و لطفي الدقر
رحت لممدوح استشيره الاسبوع اللي فات
اسلوبه مو بطال بس اللي خلاني اصرف النظر عنه انه قال لي :
((بخصوص فتحات الأنف راح اصغرها لك في عمليه ثانيه يعني بعد مااسوي لك العمليه هذي بعشره ايام !!!!
قلت له انا ابغى اسوي عمليه واحده وارتاح
قال لي بس موتجيني بعدين وتقولين لي اكبرها من جديد لأني راح اقول لك اسف مااقدر
انتي بعد العمليه اذا حسيتي انك تبغيني اصغرها لك بسوي لك عمليه ثانيه واصغرها)))
وكل العمليتين راح اسويها تحت التخدير الموضعي !!
قلت في نفسي شكله مو واثق من نفسه .
واللي رفع ضعطي انه اول ماجلست على طول قام مسك الملف حقي وكتب فيه خمس طعش الف قيمة العمليه
وهو بعد ماطالع وجهي ولا تكلم معي ولا كلمه ( ماعنده وقت )
واسلوبه تجاري .!!!!!

المهم

الأربعاء اللي فات كان موعدي عند الدكتور لطفي الدقر ( الله يسعده )
اول ماجلست قلت له ابغى اسوي عمليه لأنفي
اعطاني مرايه وقال لي اناظر فيها
وقال لي :
(((راح اقول لك ايش اللي يناسب وجهك
راح اكسر عضمات الأنف اللي عالجوانب واعيد تركيبها يعني أنحف المنطقه هذي
وراح اشيل لك التقوس اللي فوق وراح اخفف لك ارتفاع انفك حوالي سنتيمتر
وراح اصغر لك ارنبة الأنف واخليها كذا ...
وراح اصغر لك الفتحات واسويها مستديره كذا ...
قلت له : بس انا ابغاك بعد ماتشيل لي التقوس اللي فوق تنحته وتخليه مايل يعني ينزل ويبدا بالأرتفاع عند الارنبه
وابغاك تنحته كثير
قال : لا انتي مايناسبك كذا هذا الشكل يناسب الأوربيات هم عظامهم
خلقتها كذا تكون مابين العظمه اللي بين الحواجب نازله مره وتبدا بالارتفاع في المنطقه اللي بين الخدود
وانتي مايناسبكي كذا
انا راح اسويه لكي طبيعي يعني اللي يشوفك راح يحس ان شكلك محلو بس ماراح يعرف انك مسويه عمليه
وراح اخلي لك انحناءه ناعمه تخلي لك شكل الأنف ناعم ولاتخافين انا متأكد انك راح تنبهرين بنتيجة العمليه وماراح تكونين الإ راضيه))
المهم انا قمت أتفلسف وهو طول الوقت يقول لي خليني اسويه مثل ماقلت لك وراح تقنعك النتيجه .
ولازم اسوي لك تخدير كامل ........ . ( مو مثل ممدوح حسبي الله عليه )


بصراحه كان واثق من نفسه لدرجه خياليه
قلت له طيب ابغى اشوف صور قبل وبعد
تركني افكر وقال لي انا عندي مريضه راح اشوفها وارجع لك على بال ماتكونين قررتي
وراح اجيب لك الصور
وبعد ماجاب لي الصور طبعا صور نساء اوربيات كان مسوي لهم عمليات لما كان يشتغل برا
قلت له ابغى اسوي العمليه بكره ( وكنت قبلها متصله على السكرتيره وقلت لها اني يمكن اسوي العمليه عندكم وانا مو من جده يعني لو اقتنعت بكلام الدكتور راح اسويها اليوم اللي بعده وماابغى اقعد رايحه جايه
واعطتني قائمه بالتحاليل المطلوبه وسويتها جبتها معاي)
طبعا انا من الرياض بس لي شهر ساكنه مكه وبقعد كم اسبوع وبرجع الرياض
المهم نادى لي المنسقه اسمها : باتريسا واتفقت معها على كل شي واعطيتها التحاليل .

اليوم اللي بعده يوم العمليه ( الخميس )
جيت على الموعد الساعه عشره الصباح في مستشفى الدكتور عرفان وكانت باتريسا جايه قبلي
اخذتني و ودتني غرفتي واتفقت مع المستشفى على كل شي وراحت
وبعدين جاء الدكتور وجاب معاه كاميرا وقال راح اصورك الحين وبعد العمليه وراح اعطيكي الصور بعد علشان تشوفي الفرق
طبعا انا من اول كنت اقول له ابغى اشوف شكلي قبل وبعد ابغى احس بالفرق .
وقال لي بعد ساعه راح يجوكي الممرضات وينزلوكي لغرفة العمليات
جلست ارتجف وهو يقول لي لاتخافين العمليه تافهه وماراح تحسين بأي الم .
واللي زاد خوفي لما جابو لي اللبس الأهبل اللي يتقفل من ورا ( مثل المجانين ) وقالو لي البسي

ويوم نزلوني الغرفه وعطوني البنج مادريت عن الدنيا الا وانا في العنايه المركزه وهو يقول الحمدلله على السلامه
خلوني ساعه وطلعوني لغرفتي كان الوقت المغرب ولاني جايه من مكه قال لي صعبه ترجعين وانتي فيكي ثأثير البنج وتقعدين جالسه في السياره ساعه وخلاني انام في المستشفى ليوم الجمعه
ونفس يوم العمليه (الخميس ) في الليل كان النزيف مو راضي يوقف وكل ساعه تجي الممرضه تغير لي الضمادات
اتصل زوجي في السكرتيره وقال لها وقالت الوضع طبيعي وراح يكلمكم الدكتور بكره
طلعت من المستشفى الجمعه الظهر وفي العصر اتصل الدكتور وطمنا وقال النزيف عادي وتعالي يوم السبت علشان اغير الضمادات
طبعا رحت امس على الموعد وشال لي الضماده اللي على ارنبه الأنف وشال الحشوه اللي في الفتحات وعقم لي المكان وقال لي تعالي الثلاثاء علشان اشيل لك الجبيره
لأنه حط لي جبيره على العظام اللي فوق
بصراحه الجزء اللي مبين لي من الأنف جدا متغير وصاير مرررره حلو
وشكل الجبيره مبين انه العظام كمان متغيره صاير فيه انحناءه خفيفه
بس وجهي متورم وصاير كنه كوره والمنطقه اللي حول عيوني سودا
ادعو لي يخف وجهي ويصير احلى من اول
.......... كثرت عليكم الكلام بس حبيت افيد البنات اللي يسألوني عن النتيجه واقول لهم من ناحية الألم مافيه الم نهائيا بس شويه دوخه وصداع ومع هذا صرف لي ادويه تخفف الألم والتورم
ويوم الثلاثاء بروح علشان اشيل الجبيره وارتاح بصراحه الدكتور مبدع جدا جدا جدا وفنان بمعنى الكلمه يعرف وش قاعد يسوي وايده خفيفه يعني مايخليكي تحسين بشي وهو يشيل لك الحشوه وينظف المكان
يعني اللي تفكر تسوي عمليه لاتسويها الا عنده وماراح تندم
وعلى فكره فيه أميرات يجون يسوون عمليات عنده الممرضه قالت لي انه يوم الأربعاء سوى عمليه لأميره
وانا لما كنت متنومه يوم الخميس دخلت موظفتين من المستشفى عندي يسألوني بأيش احس بعد العمليه وقعدوا يسألوني اسئله وقالو لي انه يجيه اميرات وامراء يسوون عمليات عنده .
وانا عقبال ماأشيل الجبيره اللي على وجهي واشوف وجهي بالكامل
ادعو لي تكفون ان وجهي يطيب ويصير احسن من اول .0