خلوني أقول لكم وش سويت امس ...
طبعا رحت وانا واصله حدي من الزعل لأنه قال لي عالسبت بيكون خف الورم نهائيا :mad:
وقلت خلينا نشوف وش بيقول اذا شاف الورم مثل ماهو
المهم جاء متأخر زي عوايده وهو شاق الابتسامه :rolleyes: ( أقول اخلص علينا واللي يرحم والديك ) : هاه كيفك ؟؟
مارديت .. ولا كأني سمعت ..
فرجيني شو صار معك .. وبدا يشيل البلاستر ..وبعدين نظف المنطقه وقال لا تماااام الحمد لله خف كتير
قلت : خف بس ماراح نهائيا مثل ماقلت ... قال طبعا اكيد ماراح يزول الورم بين يوم وليله !!!
طيب انت قلت انه بيزول نهائيا ؟؟
ايه .. كنت عم بمزح معك .. حكيت هيك لما شفتك خايفه .. من شان تتئبلي شكلك بالتدريج ( أخس ياللي عندك استرتيجيه .. اثاريك منت سهل )
بس شوفيها كيف خفت كتير ... وبدها وئت وصبر واللي بيخافوا وبيئعدوا يطلعوا بالمرايه مابيطيبوا بسرعه فـأنتي ماتشيلي همو واعطاني المرايه شوفي وأولي لي ملاحظاتك ... (أخيرا بشوف خشتي الجديده .. قصدي النيو لوك )
وأطالع بصرااااحه تغير شكل أنفي 180 درجه سوى لي نفس اللي قال لي انه بيسويه بالسنتيمتر ( الحمدلله يارب ) يعني شال التقوس اللي فوق وخلاه منحني إنحناءه ناعمه خفيفه ومرتفع شوي عند نهايته وصغر الفتحات بس المشكله ( الجوانب عريضه )
طيب يادكتور ليش من الجوانب عريض شكلك نسيت ماتغير تركيب العظام ؟؟؟
لا هاد اللي هون ورم وبيروح مع الوئتبس انا لما ألمسه احسه عظم .. قاسي مررره شوف
انتي اللي شوفي واعطاني المرايه وقال امسكي وشوفي (و مسك الجوانب بالسبابه والابهام وبدا يضغط عالجوانب في البدايه كان فيه ألم خفيف.. بس بعدين بغيت أموت من الألم لدرجه اني والله قلت بينكسر خشمي في يدينه ... و قاعده احرك راسي واقول خلاص عرفنا انه ورم .. وهو يقول لحظه أوريك عشان تصدقين ..وجلس يضغط عليه ...
وانا خلاااااص .. بموت من الألم .. أكثر ألم حسيت فيه بعد ماسويت العمليه كان في هاللحظه ... والله اني بس انتظر اسمع صوت العظم وهو ينكسر بين اصابعه ... عشان أعطيه ذاك البقس على خشته ( (ترون اذا عصبت ماأرحم )) ... وانا أطالع في المرايه ...الا وصاير عالجوانب مثل الحفره كذا داخله على جوا من كثر ماضغط عليها وبعدين انتقل الانتفاخ اللي عالجوانب لفوق .. مكان التقوس اللي شاله
وقال : صدئتي هلأ ؟؟ لو انه عظم ماكان فات لجوا .. انا ممكن ءأعد أضغط عليه لحتى يختفي نهائيا بس بعد ساعه راح يرجع واكتر من أول ..والله انك صادق ... طيب ليه الانتفاخ اللي بين حواجبي احس انه لين بس الجوانب قاسيه ؟؟
قال : كل انسان وطبيعته وانتي من النوع اللي بدك شهور حتى يختفي نهائيا وبتوئع انه بدك من 3 الى 4 شهور حتى يزول الورم اللي عالجوانب وفيه احتمال بسيط انه بعد هالفتره مايزول نهائيا يعني راح يبئى شوية عريضقلت : والحل ؟؟ :06: قال بعد 3 الى 4 شهور لو بقيت شوية اثار راح أعطيكي ابره في كل فتحه من فتحات الأنف وبعدها على طول بيختفي الورم نهائيا قلت : طيب اعطيني الابره الحين ليش اجلس انتظر 4 شهور
قال : لا الأن مستحيل لأنه هلاء بتظر مابتنفع قلت : طيب انا بعد 4 شهور راح اكون في امريكا زوجي طالع بعثه وش اسوي وقتها ؟؟اعطيني اسم الأبره وانا اشتريها ( بصراحه وقتها كنت ابغى اسم الأبره عشان اطلع من عنده واروح اي مستشفى ثاني واطلبها منهم واسأل وش مضارها وأخليهم يضربوها لي وأخلص من هالسالفه مره وحده )
قال : انتو لما تكونوا في اميركا اتصلوا فيني وانا راح ادلكم عـ دكتور هونيك هو راح يعملها إلك :43:
بس انتي يمكن ماتحتاجيها انا عم بحكي عن أسواء الحالات
(أوف ياللي عندك واسطه فـ أمريكا ... طيب ماعندك واسطه في وزاره التربيه والتعليم ينقلوني الرياض)
وهلاء راح يخف الورم تدريجيا وبيكون خف بدرجه كبيره عـ يوم الثلاثاء بس بعدها بيرجع
ولما بيبدا يخف مره تانيه راح ينزل لهون لأرنبة الأنف وراح تتضخم شوي ( الظاهر اني بصير اشبه بوزو bozo ذاك المهرج اللي في افلاه الكرتون ابو خشم احمر ومدور )
بس ماتخافي هاي تغيرات طبيعيه بيمروا فيها كل اللي بيعملوا عمليه ( أدري اصلا البنات في المنتدى قالوا لي عنها )
وكل شخص وحسب طبيعة جسمه فيه اللي بيخف بشهر وفيه اللي ب4 شهور بس الأنف ماراح ياخد شكله النهائي الا بعد سنه
وانتي اعملي موعد عـ الثلاثاء وبنشوف شو صار معك
والادويه اللي عندك خلاص بطليها بس هاد اللي حبتين تلات مرات في اليوم هاد جيبي منه علبه تانيه ولما تخلص لاتعودي تجيبي منه لان المداومه عليه بتعمل مشاكل بالمعده
وهو راح يساعد في تخفيف الورم والصفار اللي حوالين العيون ( أبشركم اللي حول عيوني خف والحين جاي على أصفر يعني وصلت المرحله الأخيره من ألوان الطيف )
....
وانا طالعه من عنده مريت سوبر ماركت صغير أشتريت من عنده هذيك النظاره اللي يجي مشبوك فيها خشم وشنب ... عرفتوها ؟؟ كانوا اخواني زمان يلبسونها أيام( المبزره )
واخذت الشنب اللي فيها وفكيته ورميته .. صارت نضاره بــ خشم .. هي الى ألأن جايه مقاس خشمي مضبوط .. بس أخاف ينتفخ اكثر وماعاد يدخل خشمي فيها
طبعا انا شريتها للزنقات يعني لما يجي أحد أو لما أروح لأحد .. البسها .. ( يعنني رايحه حفله تنكريه )


هههههه امزح أشتريتها كذا .. اول ماشفتها في المحل حسيت انها ( جت عالجرح) و أشتريتها

المهم اناعندي موعد يوم الثلاثاء ... وسأوافيكم بأخر التطورات حال وصولها
طول الوقت وانا واقفه عند المرايه .. ومشغوله بذا الخشم جالسه أضغط فيه (الله لايشغلنا الا في طاعته)
:01: ياربي متى يخف ؟؟ واصير كذا :27:
الله يسعدكم ... الله يحرم عن جلودكم النار ... ادعو لي اني أطيب بسرعه ... بدون أبر ولا خرابيط .
:) وسلامتكم :) .

ان شاء الله يخف
يالله اهم شيء انك طمنتينا عنك

الحمدالله ان النتيجه احسن من اول و عقبال ما يروح الورم نهائي
انتبهي تلبسين نظارات او اي شي ممكن يضغط على انفك لو خفيف عشان ما يغير شكله

الحمدالله على سلامتك

الحمد لله على سلامتك
والله يجعلك يارب كوني مبسوطه دوم ويفرحك بالعمليه