اش تقصدين لوليتا يتورم يعنى يصير للاحسن ولا الاسوء

ندو اللي اقصده انه بعد مايشيل الجبس ترى هذي النتيجه النهائيه اللي بيصير خشمك عليها لكن بعدها بكم ساعه او من بكره تلاحظين ان خشمك تغير صار اكبر وكل يوم بشكل مره كبير مره صغير مره قاسي ومره لين يعني فتره تغير لين 8 شهور خشمك بعدها يكون ثابت
عشان كذا اقولها لاتستغربين

اليو وبكره..اذا صدرك مايحتاااج لا تجااازفين...الصدر مكان حساس اكثر من الخشششم..
امسك مجنونك لايجيك اجن منه:(

اهلييييييييين صبايا
كيفكم ياحلوييييين
همسة غرام
miss_smilie
ndooo
لوليتا900
بنت دلاال

انا ماشي حالي.. نص و نص ( محبطه شويتين)
ليه ماتدعون لي ؟؟
ادعو لي الله يخليكم

الظاهر ان الله مو كاتب لي احضر زواج بنت خالي الأسبوع الجاي
اقول لكم ليه ....
رحت اليوم الموعد
ولما قعد الدكتور يشيل الجبيره جلس يسألني : انتي لسا فاكره شكلك قبل العمليه ؟؟
قلت طبعا ( وانا شاقه الابتسامه)
وهو بعد (ابتسامته واصله لأذانه ) على باله يعني الحين تشوفين المفاجأه والفرق
و يوم فكها
تغير وجهه شوي
وقعد يصرفها ويمسح لي (خشتي من الصمغ حق البلاستر) لأنه ابو الشباب كان حاطها لي من أعلى جبهتي الين أخر خشمي وطبعا مغطيه الجوانب لحد نص الخدود ( كني لابسه برقع لونه أبيض )
المهم قال لي بصراحه ماكنت أتوقع انه يكون فيه تورم
بس الظاهر انتي بشرتك حساسه والجبيره كانت شاده شوي على وجهك
وقام يمسك مكان التورم وهو يقول لي هنا حاسه بألم واقول له : ايوه ويقول لي : هنا ورم خفيف
وهنا حاسه بألم؟ واقول له : ايوه ويقول : هنا كمان ورم خفيف
يعني بالعربي المنطقه اللي بين حواجبي منفوخه وكمان اللي عالجوانب صايره عريضه
المهم قال لي : عادي جدا .. ماتخافي انا راح ادهنه بالجل هذا علشان يخفف الورم
وهالورم اصلا عباره عن سوائل انحبست في المنطقه
وراح اغطيه بالبلاستر علشان لاتشوفيه
قلت له لا ابغى اشوف شكلي الحين ( وانا ماسكه الصيحه )
بس مارضي وقال لي: لا وقام دهنها بالجل وغطاها بالبلاستر
وقال انتبهي لاتلمسها المويه وتعالي يوم السبت حـيكون الورم زال نهائيا وراح تشوفي شكلك
واعطيك صورك وتشوفي الفرق
قلت له متأكد انه يوم السبت يكون الانتفاخ زال ؟؟
قال طبعا
قلت له انا أخر الاسبوع الجاي فيه مناسبه ضروري أحضرها
قال : ماتشيلي هم
تعالي السبت وشوفي شكلك النهائي .

-----------------
وانا الحين لما اطالع في المرايه واضح قدامي الانتفاخ
والله حزينه
وكلام لوليتا 900 ان خشمي بينتفخ أكثر خربط لي تفكيري
تكفين يالوليتا قولي غير كذا
يعني بينتفخ ويوصل لوين ؟؟ أخاف ماعاد القى نقاب مقاس خشتي
عاد انا ناويه بعد اسبوعين أرجع الرياض عند اهلي , شكلي برجع لهم و وجهي كنه ( قدر ضغط ) من كبره
كنت شايله هم الزراق والخضار اللي حول عيوني والحين شايله هم هالورم اللي ماحسبت حسابه.


بعدين من الاسبوع اللي فات وانا ماغير امسح وجهي وعيوني بالشاش , ماني قادره اغسله
يعني بجلس لين يوم السبت على هذا الحال؟؟!!!
وبشرتي جفت وتقشرت
حتى شعري اذا جيت اغسله اقعد ساعه عشان المويه لاتنزل على وجهي
حالتي حاله

تكفون يابنات ادعو لي الله يخليكم
ادعو لي ان شكلي النهائي يطلع زي ماأبغى ويخف الورم واللون في أقرب وقت

طلبتكم امانه ادعو لي .

ياقلبي لايضيق صدرك عارفه انا اول ماشاله كنت منبسطه وقمت رحت للكوافير وصبغت وقصيت ورحت للمملكه كاشخه ومستانسه ويوم رجعت للبيت الاحظ خشمي مو طبيعي واقعد كل الليل تفكير ماصدق الصبح يطلع وادق عليه واقوله وانت وش مخربط بخشمي صار وش كبره وقالي نفس الكلام اللي قلته

اليوم لاتخافين انا بعد احس المكان اللي بين حواجبي بارز ومنتفخ شوي وبعدها يفش لاتضيقين صدرك

الا بسألك انتي حاطه اكياس ثلج عليك بالمستشفى وبعد ماطلعتي اذا نتي حاطه يروح واذا ماحطيتي هو سبب احتباس السوايل عشان كذا انتفخ انا انتفخ اول يوم وبكره هاوشني الدكتور قال ماحطيتي ثلج عشان كذا ورم وصرت كمادات الثلج ما اتركها اشيل ذي واحط ذيك

بربرت واجد بس بعلمك اخطاءك ولايضيق صدرك انا شال لي الجبس ونزل دم من فوق لانه ينضف الحبوب اللي فوق وحط لي مرهم اصفر وبلاستر وقالي لاتشيلينه الا بكره وشلته عشان طالعه عشاء مثل ماقلت

يلاااا ان شاء الله تعجبك ويصير خشمك اطلق خشم وتصيري قمر ياقمر