سويت المنجا ( كيكه منجا البتيل )

السلاام عليكم ..

هذي اول مرة اشارككم في منتدى الطبخ ..

احس مالي جرأه اسوي طبخه و اصورها واحطها..لانكم فنانات ماشالله...

وشغلي اللي اسويه عادي...

بس هالمرة عجبني السويت وايد وقلت احطه عشان الكل يستفيد..

جاني زوجي من المجلس وقالي انه عجبه سويت بالمنجا كانه كيكه المنجا اللي في البتيل( هذي محل فقطر مشهوووووووور بكيكة المنجا )

عاد وبدون ماعرف الوصفه سويتها وطلعت تجنن ..

هذي صورتها بالاول ...


المقادير

كيك جاهز..

2قشطة + 1ظرف دريم ويب +6جبن كيري

كوب عصير راني منجا مع كيس جيلاتين ..( ينخلط مع بعض على النار شوي بدون غليان )

2 منجا مقطعه شرائح

الطريقه..
نقطع الكيك شرايح ونحطه في البايركس...ونشربه شوي بعصير منجا( بس شوي)
ونحط فوقه الخلطه...واخر شي نصف المنجا على الوجه ونصب عليها الجلي ونحطها بالثلاجه تبرد :)

ممكن نحطها بالقالب المتحرك تصير احلى :)

وتحياتي اتمنى ماتكون مكررة :) وانشالله تعجبكم

ادري الصور كبيرة بس ماعرفت اصغرها :)