سويت تحليل سكر حمل وشوفوا وش قالوا لي

السلام عليكم



أخباركم بنات


بقولكم وش صار لي قبل شوي

أنا أتابع عند دكتورة سنية الطيب

المهم طلبت مني تحليل لسكر الحمل

وسويته أمس الصبح و كنت صايمة أكثر من 10 ساعات

المهم قبل شوي دقيت عليهم وقلت وش صار على التحليل

قالوالي فيك نسية مرتفعة قلت يعني كم بالضبط قالت الطبيعي 7 ونص وأنتي 10 ونص ولازم تروحين لطبيبتك عشان تسويلك التحليل الثاني عشان نتأكد

عاد ضاق صدري مرره هذا وأنا أتجنب الحلويات وحارمه عمري منها بس قبل التحليل بيومين تسلطت على الحلا بشكل غريب

تعتقدون له دور ؟؟؟

أنا حامل بالشهر الثامن وخايفة على الجنين


الله يخليه لي ويحفظه

عاد ودي أسالكم هل وحده منكم قد صار لها نفس اللي صار لي وفي التحليل الثاني طلع ماعندها سكر

تكفون بشروني من جد ضايق صدري


ودعواتكم لي الله يهون علي ويرزقني بالطفل السليم المعافى


وجزاكم الله خير


وياليت ترفعون الموضوع الله يرفع قدركم