سويت تقشير كيميائي للوجه و الرقبة امس لكن ..تعالوا شوي

العناية بالبشرة

يا بنات انا سويت امس الثلاثاء تقشير كيميائي متوسط للوجه و الرقبة
كان الغرض منه تجديد البشرة و تخفيف عمق المسامات الظاهرة و تخفيف الحفر الناتجة عن حب الشباب سابقا و توحيد لون الرقبة مع الوجه

و يا الله على الالم و التعب و المعاناة و ربي شي متعب مره الله بس يكفيني شره و يعطيني النتيجة اللي اتمناها

بس يا بنات انا عندي كم سؤال مهم اتمنى تجاوبوني عليه خاصة اللي قد سووا التقشير الكيميائي


اولا انا بالشهر الاخير من استخدامي لحبوب الروكوتان و الحمد لله بشرتي مره تحسنت و كل من شافني اندهش من جمالها مقارنة بالسابق و علق عليها خاصة هالشهر بس ابن آدم طماع ههههههههه << ما كنها تندمت

و للأمانه انا اللي طلبت هالتقشير من الدكتورة و صجيتها عليه لين رضت تسويه لي على مسؤوليتي الخاصة طبعا بعد ما استخرت اكثر من مره

بس اللي مستغربته ان الدكتورة ما سوت لي تحضير للبشرة زي اللي قريت عنه
كل ما قريت عن التقشير الكيميائي القاهم كاتبين لازم قبله فترة تحضير للبشرة عن طريق استخدام كريمات فيها فيتامين أ و يوم سالتها ما بتسوين لي تحضير قبله للبشرة ؟ قالت لا احنا بنحضرها بتنظيفها بالمحلول قبل التقشير

و امحق تنظيف ما غير جابت السستر قطعة شاشه مبلوله بمدري ايش و ما غير مسحت فيها وجهي و رقبتي و بس !!



الحاصل يا بنات ان التقشير مدري عنه ما احسه نفس اللي شفته بالصور

انا كنت ابغاه زي اللي بالصور هذي :


اول ما تم تطبيق التقشير





بعد يومين من التقشير





بعد 5 ايام من التقشير






و هذي النتيجة بعد 10 ايام رجعت البشرة طبيعية و مليانه نظارة و حيوية







و شوفوا هذي كمان مستخدمه نفس التقشير الكيميائي و لكن بتركيز اكبر شوي :



هنا النتيجة بعد 3 ايام من التقشير






و هنا بعد 5 ايام من التقشير







و هنا بعد اسبوع







و هنا بعد عشر ايام و شوفو ا الضحكة بس هههههههههه









بس يا بنات انا ما احس وضع بشرتي الحين نفس الي بالصور هذي

انا صايرة عندي الحروق كنها بقع متفرقه بالوجه
و اماكن فيها حروق و اماكن مافيها و اللي مخوفني ان فيه برقبتي اكياس صغيره فيها موية زي اللي تنتج عند الاحتراق العادي :09:

و اماكن كثيرة ما احس فيها غير احمرار بسيط و ما احسها راح تقشر التقشير اللي ابغاه مع انها مررت المحلول على كامل البشرة بس ليش صار كذا ؟

الطبيبة نصحتني استخدم كريم ميبو مباشرة لمدة يومين و بعدها ابدا استخدم كريمات التقشير و التبييض اللي كتبتها لي

و امي مخليتني استخدم العسل مرتين باليوم ادهن فيه المنطقة


و رغم اني مستخيرة يا بنات اكثر من مره لكني والله بديت اخاف شوي

ما احس النتيجة نفس اللي بالصور
من منكم تقدر تطمني او سوت قبل كذا تقشير و صار لها نفس اللي صار معاي

ربي يجزاكم خير يا رب و يوفق كل من ترد علي و تطمني :44:
20
164K

يلزم عليك تسجيل الدخول أولًا لكتابة تعليق.

تسجيل دخول

جوليا 1430
جوليا 1430
نصيحتي اتركي العسل لان ميبو يحتوي على العسل والله يعينك ويصبرك انا عن نفسي مو مجربه
بت جدعه
بت جدعه
الله يسعد قلبك عزيزتي و بإذن الله راح اوقفه و اظل على الميبو فقط لين بكرة
جودي123
جودي123
الله يشفيك حبيبتي

صراحه ماقد جربته بس صورهم مره تخوف
افــــراح
افــــراح
وش نوع التقشير الي سويتيه
emaratia 8dha
emaratia 8dha
الله يعينج
ماعندي اي فكره