سويت تمرين القرفصاء ومن البارحه زاد علي الألم

مرحبا الغاليات

البارحه سرت المستشفى لأني كنت تعبانه من الآلام اللي أحسبها من كم يوم... فقلت خلني اشيك أحسن
دخلوني غرفة الولادة وحطولي جهاز التخطيط وبين عندهم إن الطلق اييني كل 5 دقايق مع إني ما أحس فيه :44:

أنا كنت أحس فيه كل 20 دقيقه تقريبا واستغربت يوم قالتلي إن الطلق ايي كل 5 دقايق!!!

البارحه فالليل سويت تمرين القرفصاء لين ماتعبت ريولي وفجأة زاد علي الآلم وقام اييني مغص كل 5 دقايق بالضبط :)
أنا طبعا استبشرت خير وقلت أخيرا فرجت :icon28:

بس للأسف اليوم الألم مب منتظم وصار أخف :icon33: تعبت والله تعبت وتمللت بس خلاص أبا اربي... أدري باقيلي وايد لين موعد الولاده بس هالآلام ذبحتني ومللتني... الحمدلله على كل حال

اليوم كررت التمرين بس بعدني ما أحس بنفس الويع اللي كنت احسبه البارحه :44:

شربت كوب يانسون اشكبره عل وعسى يزيد الطلق ورقدت والحين مافيني أي شي كل الويع خاااااااااااااااااز :icon33:

معقوله يكون فيني طلق كل 5 دقايق وأنا مب حاسه!!!!!!!!!!! حتى الدكتوره قالتلي إذا تم الويع منتظم جيه بتربين خلال هاليومين.......... هل هذا هو الطلق البارد؟؟؟ والله نفسيتي تعبانه وايد... دعواتكم خواتي