سويت تنظيف بشره في عيادات مايز

مراحب بنوتات ازيكم

انا صار لي فتره اسوي بحث عن قسم البشره وتجارب البنات مع مركز مايز الطبي اللي الجنب النمر في العليا
المهم مالقيت اللي يفيدني قلت اروح بنفسي العيادات حلوه ونظيفه وجديده ورحت لأخصائيه فحصت بشرتي وقاالت واااااااو بشرتك جمييييله وراثه طبعا بس انتي مهملتها كيف عرفت انها جميله اجل قالت هالات سودا ودهون وحبوب واثار كلف بسيط من الحمل وحبوب منع الحمل وااااااااو وين الجمال الوراثي طيب:hahaha:
المهم قالت لي بعملك تنظيف الفيتامينات بس انتي اسألي عنه اول وفكري قلت بكم قالت ب1500 جلسه وحده قلت طيب انتي تقولي بشرتي بس مهمله يعني تحتاج عنايه ليش هالتنظيف وقلت لها اني برضع طبيعي قالت لا لا لا ماينفع اجل اعمله لك انا صريحه معك بس خلاص بعملك تنظيف كرستالي وااااااااااااو تشققت ياكثر ماسمع عن هالكرستالي قلت اكيد بطلع من عندها بشرتي تلمع وتبرق زي الكرستال وقالت ب500 <<<<<بما اني ماني فاهمه السالفه قلت طيب علما ان في عيادات تعمله ب250 و300
وعملت لي التنظيف وطلع تنظيف عادي تنظيف مشااااغل يعني بخار بعدين جلست تحوس في خمشي بيدها قلك تطلع الدهون وبعدين هالتقشير الكرستال والله مااااااهو ذاك الشي انا قلت اقل شي 3 ساعات بس طلع جهاز صغير كأن فيه هوا ولما تحطه على البشره يطلع حبيبات صغيره زي الرمل قال كرستال قال
وبعدين مسحت بشرتي وحطت قناع نص ساعه وقالت الممرضه ياله توكلي على الله
لما جيت اطلع قلت للدكتوره طيب كريمات قالت تعالي في اقرب وقت :mad:

لي اسبوع ماني ملاحظه اي تحسن بالعكس احس بشرتي مرهقه اكثر من قبل وصار اللون حول شفايفي غامق اكثر من قبل
مقهوووووووره ولا هذا وانا قايله لها ابغى تقسير لليدين وتفتيحها ولا عطتني خبر
وسألتها عن ال بي جي قالت وااااااو انتي توك والده معناته اقل شي تحتاجين مابين 14 جلسه الى 21 :hahaha:يممممممه 21 جلسه والله لو ان وزني 100

شرايكم بنات ارجع لها اخذ الكريمات واكمل ولا تنصحوني في مكان ثاني بالذات اني ابغى اعمل تغيير لبشرتي ويديني بالذاااااااااات لأن مانفع معها لا جلسرين ولا ليمون لو الزمن يطول لازم تدخل طبي :35: