سويت حقن مجهري والحمدلله ع كل قضاء الله وقدره

السلام عليكم ورحمة الله وبركاته….حبيت أنقل لكم تجربتي قبل فترة كتبت لكم في القسم هذا اني مقبلة ع حقن مجهري ومرعوبة لاني اول مره اسويها وبالرغم انكم واسويتوني وحاولتوا تهدون من روعي الله يجزاكم خير الجزاء. ونقلتوا لي تجاربكم إلا أن الخوف كان مسيطر علي وخصوصاً في نفس اليوم اللي سويت فيه عملية السحب وعملية الارجاع كنت امشي لغرفة العمليات وانا مذعورة وملحة في الدعاء وابكي مثل الطفل اللي تايه وماعلمت احد من اهلي عشان مايشيلون همي… حتى دكتوره البنج رحمتني وانا اقول اصبري شوي ووجهي كله روعه…المهم سويت الحقن وفي يوم الترجيع رجعوا لي ٣ أجنة من الدرجة الثانية وكنت ادعي ربي ومحاسبة ع نفسي وتعبت مشاوير للمستوصف يومياً عشان المثبتات تخيلوا اسبوعين وانا رايحة جايه عشان ادق ابرة هذا غير المثبتات يعني تعب تعب وسبحان الله يوم جاء وقت الدورة نزلت علي ويومها بكيت بكيت استغفرك ياربي واتوب إليك .. والحمدلله من قبل ومن بعد…طبعاً لي شهرين من سويتها والله يرزقني ولايحرمني من الحمل الطبيعي مراجعة المستشفى والمنشطات اللي هدت حيلي متعبة جداً….كل ماسمعت صوت أطفال جيرانا أشتاق يكون في بيتي طفل يملأ علي البيت…تتوقعون العمر له دخل لاني في الاربعين من عمري…لاتنسوتي من دعواتكم والله يرزق كل تتمناهم