من ربى جاريتان ( اي بنتين ) واحسن تربيتهم كانتا له حجابا عن النار ... فما بالك بالثلاث والاربع او الخمس .. الحمد لله نعمه كريم

يختي احمدي ربك اهم شي الخلقة التامة ...

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) صدق الله العظيم .

يحليلك حاسه فيك :)

شرايك انا عندي 6 بنات وولد واحد بس

وكنت اتمنى بحملي هذا ولد عشان ولدي يحنننننننننننننننننننننننن يبي اخو وكل مايشوف صورة سونار والا اوراق مستشفى يقول هاذي اوراق اخوي وهاذي صورته

تصدقين اول امس اتصلو فيني المستشفى يبوني انا وزوجي عشان تحليل دمي كانت نتيجته ان في نسبه بسيطه يكون الجنين منغولي !!! رحت وانا قلبي يدق بسرعه وميته خوف على اللي فبطني وزوجي يقولي ان شاء الله خير لا تخافين

ولما قعدنا خبرتنا الدكتوره عن نتيجه التحليل والنسبة وقالت في عدت فحوصات تسوونها وحولتني لمستشفى ثاني عشان اسوي صوره تفصيليه دقيقه

والله ماهمني بنت والا ولد كان كل همي انها تطلع الفحوصات غلط والنكته لما سوتلي سونار تشوف نبض البيبي سألتها يبين معك بنت والا ولد قالتلي هو وايد صغير ووضعيته مسكر رجوله وعلى بطنه فصعب اعرف بس احتمال بنت قعدت اضحك واطالع زوجي وهو يبتسم لانه قالي من اول ماحملت اني حامل ببنت :)


يعني اذا صح كلامها بتكون البنت السابعه :)

قولي اللهم اني اسألك حسن الخلقة والخلق ولا تهتمين بنت ولد كلهم رزق من الله المشكله اللحين كيف اقول حق ولدي انها بنت الله يعيني


دعواتكم يكون الجنين بخير وعافيه موعدي الاسبوع الجاي :(

يالله متى نترك تفكير الجاهلية اللي للحين الناس منغمسه فيه
ياختي حتى انا عندي بنات وولد والحين حامل في بنت صح نفسي باخوا لولدي لكن الواحد يشكر ربه ع النعمه اللي هو فيها وهذا ارزاق من رب العباد مالنا دخل فيها غير انا نحمده ونشكره ع عطاياه وماندري عن حكمته بإن وهب لنا البنات دون الذكور
بائعة المسك
الله يسعدك ع الدرر اللي قولتيها