سويت عملية بواسير وارتحت

السلام عليكم 
حبيباتي اللي يعانون من البواسير بعد معاناة طويلة من البواسير والعلاجات والخلاطات قررت اعملها وافتك منها نهائيا انا قرات عنها كثير وانها تطورت عمليتها ويسمونها عملية اليوم الواحد 
ما اخفيكم كنت متردده كثير الين ما زاد الوجع واصبحت معاها شرخين 

المهم راجعت دكتوره جراحه بالمستشفى الالماني بعسير وكانت راقيه  في تعاملها واخلاقها اسمها الدكتوره عزه 
وبعد الكشف قالت عندك من الدرجه الثالثه ورايحه للرابعه وشرخين وعلاجها جراحه بسيطه وراح ترتاحين 
دخلت الصبح وكنت صايمه من الليل ودخلت على الساعه 11 وطلعت الافاقه واعطوني مسكنات ولا حسيت بالالم ولا شيء بس كنت متضايقه من الشاشه اللي جوه 
اليوم الثاني جلسوني في حوض مطهر وقالت لي النيرس اسحبي انت الشاشه كنت اتوقع اني بحس بالم فضيع بس الحمد الله سحبتها حبه حبه الين ما انفكت وارتحت اكثر 
نمت عندهم يوم كامل كانوا  يعطوني ملين واذا احتجت مسكن واليوم الثاني طلعت ووصتني بحوض دافي ووصفت لي بيتادين مع مضاد ومسكنات والحمد لله كله تمام ولا الالم اللي قبل كنت اعاني منه سنين 

نصيحتي اللي عندها بواسير لا تسكت على نفسها تراجع وتسويها وترتاح   
والطب تطور والعلاجات تطورت 

والله يشفي كل مريض 
حبيت انقل لكم تجربتي بعد المعاناة والتردد في اتخاذ العمليه 

دعواتكم لي لان بعدها بتحسين بوخز بسيط في المنطقه بس طبيعي لا ن الخيوط لسا ما انفكت هذا اليوم الخامس لي من العمليه 

تحياااااتي