السلام عليكم ...
انا عضوة قديمة بس اختفيت فترة طويلة جدا من الزمن ههههههههههه فوق عشر سنين ...
المهم سويت عملية شد للبطن تاريخ 15 ديسمبر 2019 وأبي اخبركم عن العملية بتفاصيلها الكاملة الحين انا بالاسبوع السادس بعد العملية والحمد لله الأمور أفضل نوعا ما هههههههه تعبت شوي بس الحمد لله مثل ما قالت الدكتورة الاستشفاء محتاج وقت وكله يعتمد على حسب الجسم ... أنا حملت 7 مرات بس انجبت 4 وال 3 الباقيين اجهاضات وبما اني خلاص تعبت من الحمل قررت اشد بطني ... بالاضافة الى افخاذي ايضا من كثر البطرة بس الحمد لله على كل حال ودعواتكم اني اشوف نتايج طيبة خلال سنة من الآن ...
مكان العملية : مستشفى نوفوميد الجراحي - دبي
الطبيبة: ما ادري اذا مسموح اذكر اسمها بس بذكره (واذا المشرفات شافوا انه مخالف ياريت يحذفونه) : ماريا مارتا روباتي ( ارجنتينية) جراحة مشاهير هوليوود والمركز الاساسي بيفرلي هيلز - امريكا ...
المتابعة : عيادة نوفوميد - ابوظبي ( لاني من اهل ابوظبي اساسا) بس العمليات تجرى بدبي
العملية كانت ببنج موضعي بس عطوني دوا منوم وكنت كل شوي اصحي واقول سخافات وكانت طبيبة البنج عند راسي طول الوقت تقول بعطيج دوا يرقدج مرة ثانية
بعد العملية بساعتين قالوا لازم تاكلين ضروري ولو شوي وعطوني شوربة ..
المشي كان بعد العملية ب 10 ساعات
قومتني الممرضة الساعه 5 الفجر عشان اروح الحمام وامشي شوي عشان تطلع القسطرة بس الدوخه والغثيان وصل حده ورجعتني السرير وقالت بنحاول مرة ثانيه ... الساعه 6:30 عطتني اكل ... والساعه 8 قالت لازم توقفين وتمشين شوي ... المهم كانت الدوخه والغثيان اخف ... بس لما شالت القسطرة طحت على الكرسي اللي وراي كان فيه عاملة تدري بها السوالف وكانت واقفة وراي بالكرسي الدوخة زادت وتميت تشربني ماي وتحاول تصحيني بمحلول معاها خلتني اشمه.
كنت لابسة مشد من بعد الصدر بشوي لين تحت الركبة بشوي، طبعا الممرضة تساعدني بكل شي .. الحمام والمشي ... قعدت يومين بعد العملية لانه عند ولد في البيت اخاف منه بيجنني .. خفت ينط فوقي ...
المهم طلعت وكانوا عندي بناتي يساعدوني وشغالة وعندي ولد (من اصحاب الهمم) عنده ممرضات على مدار الساعه كانوا يساعدوني من باب الرحمة ههههههههه
اول اسبوعين تعب خيالي في القومة والقعدة وكله ... الم مافي الا عند المشي بسبب الشد لكن الم غرز مافي وفيه الم بالبطن نفس الم الدورة للي دورتها قوية وتعودت عل المها القوي بيكون عادي عندها وفيه مسكنات ومضاد حيوي ...
الشي اللي كان يتعبني صج ويصيحني هو المشد كرهني بحياتي ... وابي اتسبح عمري ما حسيت بعدم النظافة الا بعد العملية ... خاصة في دم ينزل من الفتحات ويطلع برع لانه المشد للاسف مفتوح من جهة الفخذ فوق وخبرتهم المشد صغير ما يصير لانه ما يشد الفخذ كله مافي فايدة ... عصبت .. لين الدكتورة شافت وعطتني واحد اكبر يلم الفخذ كله وارتحت .. وعرفت ادخل الحمام مثل الناس واتسبح وكله وهذا كله صار بعد عشر ايام من العملية لما رحت اول موعد ... فكوا كل الضماد والاسفنج اللي كان تحت المشد، وتفاجأت بأن السرة شكلها غريب .. كأنه حفرة بنص البطن ... الدكتورة قالت كانت صغيرة وقالت عند مرضاي ماصارت بس شفتها عند دكاترة ثانيين يعني حالة تصير وطبيعية .. والحين اعالجها عشان الحفرة تسكر والحمد لله بدأ حجمها يصغر ادعوا لي .. لانه عندي موعد اليوم 20 يناير 2020 وان شاء الله تكون تمام. فتحة المشد اللي تحت عادي بس مرات مافي فتحه ورا اضطريت اقص عشان اوسعها عشان البراز الله يكرمكم بس كان المشد يتبهدل لين عطوني البديل مثل ما خبرتكم صرت انزله لو بطني يبي حمام وارد البسه.
الحين مافي الم بس جتني الدورة جننت فيني صار لها اسبوعين وغزيرة ما تبي تخلص والدكتورة تقول طبيعي تتأخر بعد العملية وطبيعى تطول وتكون غزيرة لانه العملية كانت كبيرة ... ومع المشد سالفه .. يتوسخ بسرعه .. صرت البس فوطتين والاندروير تحت المشد وكل ما ابي ادخل الحمل افصخ كل شى وارد البس .. صح عذاب بس ولا اوصخ المشد ...
المشد ينغسل بالايد ضروري مو غساله واذا غساله تكون دورة سريعه مال 15 دقيقة وانشريه .. بتلاقين حجمه شوي صغر بس مو مشكلة عادي تحملي ...
بقع الدم ما تروح من المشد بالغسيل ... نظفيها بمحلول هيدروجين من الصيدلية تروح كأنها ما كانت موجودة .... انا بالاول كانوا الممرضات مال ولدي يساعدوني اقفل المشد بس لما شديت حيلي شوي تعلمت من نفسي صعب ومتعب ويعور اصابعي بس لازم اتعود مرات الممرضات محد مشغولات بالولد ..
وبس هذي كل السالفة واللي عندها اي سؤال انا مستعدة ... بس انتظروني كل صباح اطرش من الدوام لاني من البيت ما افضى .
تحت امركم
يلزم عليك تسجيل الدخول أولًا لكتابة تعليق.
الحمدالله على سلامتك والله يعينك. هل كان بطنك كبير. وكم كان وزنك وانالحمدالله على سلامتك والله يعينك. هل كان بطنك كبير. وكم كان وزنك وان
بطني كان كبير هيه ... بسبب الحمل سبع مرات
بس وزني كان 87 نزلته قبل العملية 13 كيلو بالدايت والجم ، وسويتها بعد النزول
بس وزني كان 87 نزلته قبل العملية 13 كيلو بالدايت والجم ، وسويتها بعد النزول
الحمدالله على سلامتك والله يعينك. هل كان بطنك كبير. وكم كان وزنك وانالحمدالله على سلامتك والله يعينك. هل كان بطنك كبير. وكم كان وزنك وان
بالتأكيد تخوف بس الحمد لله .. وفعلا الحمام بروحه سالفة متعبة وانا حبيت اوضح كل شي مو بس العملية ...
الصفحة الأخيرة
هل كان بطنك كبير.
وكم كان وزنك