سويت كل شي ماحملت

كيفكم يابنات
الله يرزقنا اجمعين
انا كل يوم افتح القسم واشوف هموم البعض عسى ربي يفرج همومنا
ويرزقنا بذريه الصالحه 000


في البدايه انا اعاني من ضعف التبويض وارتفاع هرمون الحليب
عالجت بكلوميد وابر التفجيريه ولا حملت غيرت الدكتوره ونفس الشي كلوميد و متابعه تبويض
وابر تفجيريه و سويت اشعه الصبغه ولاحملت


قلت اجرب العلاج الشعبي رحت لحرمه ومرختني واستخدمت علاجها لين خلص وماحملت
رحت لحرمه ثانيه مرختني اخذت علاج لين خلص وما حملت


رحت بعد كذا لدكتوره مشهوره اعطتني نولفادكس واخر شي قالته لي لاتضيعين
وقت في العلاجات استمري3 شهور على هذا العلاج واذا ماحملتي
الحل النهائي هو اطفال انابيب اوحقن مجهري


انا الحين لي شهرين استخدمه الى الان ماصار حمل
مدري وش اسوي نفسيتي تعبانه حيل احس كل الابواب مقفوله بوجهي
طبعا الحين افكر بحقن المجهري افضل من اطفال الانابيب لكن اسعار العمليه
غاليه من سابع المستحيلات يمن زوجي المبلغ
مالي الا المدينه الطبيه في الرياض بس نسبه نجاح العمليات عندهم قليله
تكفون يابنات شورو علي وش الحل :44: