سويت كيراتين يا بنات

السلام عليكم و رحمة الله و بركاته
كيفكم بنات ان شاءالله بخير
المهم انا سويت كيراتين في العيد و قلت احط لكم النتايج هنا
اول شي نوعية شعري
اجعد ناعم
بالمناسبة يا بنات عندي معلومه حلوه انا و انا صغيره كنت اعاني من شعري لانو كاان نااااعم مرررا و بس امشي يدي فيلو يتقطع
المهم ماما كلمت حبشيه عن زيت السمسم قالت لها الحبشيه احنا ما نستعملو عشانو يخشن الشعر !
قامت الوالده الله يحفظها طيران جربت عليا زيت السمسم والله يا بنات الشعره سارت اقوى و افضل و ما سار يتساقط بسرعه و الحمدلله النعومه لا زالت موجوده
المهم نرجع للكيراتين
كنت ماشيه بالسوق و شفت مشغل دوووبهم فاتحينو اسمو (بارع) في دبي و سألتها اذا عندهم كيراتين قالت ايوا و سارت تمدح فيلو ورتني شعرها انها مسويتو
والله صليت استخاره و تاني يووم ربي يسرلي اموري و سويتو و ما اخد وقت
و هيا تسويلي قالت لي نقاط مهمه
1 الاصلي هوا البرازيلي ما اعرف اسمو بس انو برازيلي
2 كل اللي يقولو لك الكيراتين نوعين بفرد و بدون دا كدب قالت مافي كيراتين بفرد اغلبهم يخلطوا فيلو نسبة من كريمات الفرد
3 الكيراتين علاااااج فقط و مو منعم للشعر

طبعا اول ما سوتلي الكيراتين قالت لا تغسليه 3 ايام و تاني يوم ارجعي عيدي عليه بالسيراميك و اعطتني شامبو و بلسم خاص بالكيراتين
و سويت اللي قالتو و جا اليوم اللي غلست فيلو شعري
و الحمدلله ما راحت اللفه لكن النفشه راحت نصها و شعري سارت لمعتو قوييييييييييييييه ماشاءالله تبارك الرحمن اذكرو ربكم يا بنات
المهم حتى الوالده مرررات تسألني حاطه كريم؟
وانا الحمدلله مو حاطه شي
و الشي الحلو اللي مررا فادني
انو انا شعري كان يتشابك بسرعه و ما يتمشط لو ايش اسوي لانو ملفلف مرا يعني لازم يكون مبلول و اقدر امشطوو
المهم دحين حتى و هوا جاف و ملفلف و بكل وضعياتو المشط يمشي فيلو بسرعه
بالنسبه للسعر سويتو بــ2000
وووو بث
اتمنى افدتكم
ادعووولي طمعانه في دعوتكم :p
و السلام عليكم ورحمة الله و بركاته