أخواتي حبياتي,, "محبات الكيك" :
الفزعة لأختكم اللي إدخلت المطبخ وإعفسته فوق تحت وحطت جهدها في
كيكــــــــة شكلها غير طعمها الشكل حلو والطعم برا:09:
مو مرة شينة بس طلعت الكيكة مضغوطة وثقيلة يعني مو إسفنجيه
ولاخفيفة وطعمها يطير العقل
وبما أني هذي أول مرة أصلح كيك لأن مالي بالحلى
أبي نجدتكم في إني كيف أصلح كيكة خفيفة وتكون منتفخة وإسفنجيه
لأن الله العالم إني تعبت عليها بس مدري ليش الطعم موحلو هي المشكله في
المقادير أو طريقتي
بالعجن أو مدري من إيش, كل اللي أبيه نصايحكم في خبز الكيك
أختــــكم مبتدئــــــة بالطبخ والمطبخ صاير حقل تجارب حقي في رمضان
وهذي المقادير عشان أحطكم في الصورة :
2كوب دقيق
1كوب سكر
5بيضات
ملعقة صغيرة بيكنج بودر
نص كوب زيت
نص ملعقة صغيرة فانيليا <<وهالفانيلا نسيت أحطــــة :angry: ودكم من يصفقني
ماء للعجن
بشر برتقاله
وخرابيطي اللي زينت فيها الكيك :
علبة قشطــــــــة
ظرف دريم ويــــب
فنجال سكر
ملعقة صغيرة بودرة كاكاو
2 حبة شوكلاتة فليك
حلاو أبيض حق التورتة للحواف<<مدري وش إسمة
وهذي الصورة حقتها
الشوكلاتة حق التزيين الصراحة طعمة حلو بس الكيكة نو
وأخوي الصغير قرَع كيكتة يعني لحس الشوكلاتة وخلى الباقي
وأنا ضاق صدري أبي نصايح عاشقات الكيـــــــــك,,وعلى فكرة الموضوع هذا منزلتة في منتدى ثاني بس محدش عطاني وش ,,,والعشــــــــم فيكم تكفون نخيتكم نصايحكم :icon33:
انا مب خبيرة بالكيكااات بس أنا جربت وحده من كيكات
أم عزيزان ... يعطيييها الف عافيه وتسلم يدينها على اكلاتها الحلوه
طلعت الكيكة عجييييبه وحلوه منتفخه
و اذا سويت الكيك اخلي الفرن يشتغل من تحت بس
لين تنتفخ واخر 5 دقايق اشغله من فوق عشان تتحمر