شخباركم
الصراحة أول مرة في التاريخ اكتب موضوع في هذا القسم ... من كثر ما حبيت هالكيكة قلت لازم تسوونها وتجربونها ..لذيذة..سهلة.. وخفيفة... ما صورتها لكم لاني ما اعرف أحط صور من التلفون الى الكمبيوتر .. بس خذيت بعض لصور من قوقل... المهم هذي الطريقة بالتفصيل
الأدوات:
كيكة بيتي كروكر "أبيض"
2 ظرف دريم ويب
1 قيمر بارد
حليب بارد شوي مقدار فنجان قهوة تقريبا
مربى فاكهة مشكلة
روح التوت
وروح الفراولة
"في أغراش مثل اللي في الصورة"
الطريقة :
اخلط الكيكة بالليل وفي اليوم الثاني اسوي الكريمه
نأخذ البيتي كروكر ونحطه في وعاء حق الخفق .. ونحط عليه 3 زلال بيض .. واللي ما تعرف اشلون ..
تأخذ كأس جبن حجم صغير فاضي ومغسول عدل ..خذي البيضة واضربيها بحافة الكأس وحطيها في الكأس الصغير وتالي اخذي ملعقة وشيلي المحاح "المح" الأصفر .. وبيصير عندج زلال البيضة .. وسوي هالطريقة للبيضتين ..
المهم طريقة خبز الكيكة مكتوبة على الكارتون من وراء للكيكة ..سهلة وايد وتالي دخليها الفرن.. وخليها تفتر شوي ..تالي حطيها في الثلاجة..
المهم في اليوم الثاني نجيب الخلاط الكهربائي ونضع فيه هذي علشان تصير كريمه: 2 ظرف دريب ويب .. 1 قيمر بارد .. وحليب بارد مقدار فنجان قهوة .. وقطرات من روح التوت .. وقطرات من روح الفراولة.. ونخفقها في الخلاط .. لمدة 7 دقائق..
وبعدين نأخذ الخلطة ونحطها في لفريزر مدة نصف ساعة ..
وبعدين نطلع الكيكة من الثلاجة ونقصها بالنص بالعدال بالعدال .. وأضع على الطبقة السفلى مربى فاكهة مشكلة ثم خلطة الكريمه عليها ... وبعدين اغطي الكيكة بالطبقة العليا ... وآخذ شكر مطحون ارشه على الكيكة من فوق.. وبالهناء والعافية على قلوووبكم
صدقوني لذيذة... وأي سؤال أني حاضرة