حرام

أولا أكيد أن النصيحة لازم تكون بأسلوب لين وفيها رفق ثانيا أنا ضد الإحتفال بأي شكل كان من باب دع مايريبك إلى مالا يريبك خصوصا ان الزمن كثرت فيه الفتن الله يعيذنا منهن ماظهر منهن وما بطن والله يهدينا ويثبتنا ويحسن خواتمنا آمين

استغفر الله بس. من جد لاتعليق.

حبيبتي لا تسمعين كلامهم ولا يهمك .. احتفلي بعيالك و فرحيهم وانبسطي معهم .. لا تقولين عيد ،، عادي اعتبريه يوم عادي اعتبريه ذكرى جميله .. اللي هاجموك ما خلو ذكرى ما احتفلو فيها ،، يوم وطني و ذكرى زواجهم و ما خلو شي..
انبسطي بعيالك كل سنه و كوني معهم ذكريات حلوه و اجمعيهم على كيكه على حفله و انبسطو و هيصو و لا تشاركين الناس اللي تكره الفرح .. الناس صاور اعداء للسعاده بالغو خلو كل شي حرام و عيب و بدعه ..
والله احلى ذكرياتي مع اهلي و الصور كانت حفلات و بسطه و هدايا نوزعها على بعض .. ما نفوت فرصه للفرح ننبسط بحفلات ميلادنا و نجاحات اخر السنه و تخرجاتنا و نحتفل بالعيد و نقرقع برمضان .. و هالشي باسويه مع عيالي اذا الله كتبلي

يمكن اسلوبهم غلط الله يهديهم


بس ياختي مايجوز التحايل على الدين ترا اول الناس صاروا يتساهلون بعيد الميلاد ويقولون ماعتبرناه عيد ومن هالاعذار


ولو ترجعين تلقين الي افتى بانه يجوز الاحتفال بكل سنه يكبر فيها الطفل تلقينه شيخ بس ماهو أهل للفتوى يا داعيه شيخ صغير بالسن وحتى مو من هيئة الافتاء واباحها بس ماذكر ادله تثبت كلامه مع انه كان يؤمن بفتوى اهل العلم بعدم جوازها ف الاولى ترجعين لفتوى كبار اهل العلم ولو تبحثين اكثر بتلاقين ردود من كبار المشايخ على من افتى بجواز الاعياد ومن تحايل بمسمى يوم الميلاد


انصحك تبعدين عن هالحركه عشان دينك مو عشان الناس جرحوك


فكري في بنتك اذا كبرت ماراح تقول يوم فالسنه خلاص بيترسخ في عقلها انه عيد ميلاد