سويت لحلالي دورة تعارف مع أكثر نساء العالم.......

مرحبا حريم حواء:

لا تستغربون سويت لزوجي دورة تعارف بأكثر من حرمة من جنسيات مختلفة ،، و الحمد لله نجحت الدورة و حلالي أنبسط مرةةةةة ,, و يبغى أسوي له دورة ثانية مع باقي الجنسيات و يمكن أفتح دورة ثانية بس بعدين لاني تعبت شوي ....

تبون تعرفون وش السالفة ،، طيب بعد ما أصلي المغرب






















خخخخخخخخخخخ أمزح معكن لا تعصبون ،،، و أحمدو ربكن أن علي الدورة لانه أذن المغرب و أن قاعده اكتب.....


يالله بسم الله نبدأ:

مكان الدورة: عشنا الصغير ( حشا عصافير ) في أماكن متفرقة ( الصالة ، المقلط ، غرفة النوم )....

وقت الدورة: يوم واحد في الاسبوع ،، و يكون الاختيار مفتوح حسب النفسية و الظروف و توفر الاغراض ، وطبعا متى ما سمحت ظروف الضيفة......

عدد المنتسبين: أثنين فقط ( حلالي و الضيفة )...

برنامج الدورة:

يبدأ العمل قبل الساعة السابعة مساءا الي هو وقت خروج حلالي من الدوام ،،

اليوم الاول: الجنسية هندية

قامت أوخيتكم و لبست البنجابي الهندي ،، وذلك الاساور الي لين الكوع و الحلق الطويل و طبعا ما ننسى اكسسوارات الشعر ،، و المكان كان غرفة النوم الي جهزتها بالشموع و اللازم منه و البخور ، و تعرفون الند ولعت منه علشان يعطي أجواء هندية ،، و سويت مكياج هندي تعلمته من منتدى المكياج...

و سويت مراصييع و حطيتها في طبق مزخرف قريب من الاطباق الهندية و جنبه طبق عسل و سويت شاي ، و جبت شموع صغيرة ملونة من الي ضد الماء و عبيت صحن غويط شوي ماء و حطيتها فيه كل هذا في الغرفة ،، و بعدين حضرت طاولة المساج من زيوت و فوطة كبيرة و صغيرة و حطيت عليها شموع بعد ( ترني مجنونة شموع ) و سكرت الغرفة ( طبعا عيالي نايمين في هالوقت مدرسة بعد ) و يوم سمعت صوت الباب على طوال تخبيت في غرفة العيال بعد ما فتحت لمبة الحمام علشان ما يدورني...

ودخل ،، ثم فتح باب الغرفة و ان اطل عليه و هو ما يدري ،، الا يرتع و يقف مصدوم و انا بس أسمي عليه ثم أبتسم و دخل ،، كان أطلع وراءه و أفاجاه بالضيفة الجديدة و الحمدلله أنبسط و عجبته الحركة بعد وش يبي عشاء يحبه قلبه و مساج ينسيه التعب و وجه حسن ( يحبها تمدح نفسها ) و يقول والله حلوة الحركة بس مسكين ما يدري أنه توه أول يوم في الدورة...

خلاص عاد تعبت ،، و بروح أدرس ولدي شوي , أجي أشوف ردودكن...

و طبعا للدورة تتمه أنتظروني في الايام الجاية أن الله احيانا...

و سلامتكم...