تسلمين و ماقصرتي ..:26:

مشكورين عالرد..

اخت منطقية..
انتي ممكن تستبدلين البسكوت بالسويس رول على حسب ذوق
بس للسويس رول طريقة ثانية لذيذه..

اتيبين السويس رول تقطعينه دوائر وتصفينه في صحن عميق القعر تكونين مغطيتنه بالألومنيوم من داخل دار ماداير الصحن..
وبعدين اتيبين أي نوع أسكريم محبب لج وتحطين في الصحن شوي وعق تغطينه بدوائر الكيك وهكذا دواليك حتى ينترس ويتملي الصحن..
وتحطينه في الفريزر يجمد..
في هالأثناء تحضرين صلصة الكاكاو..
اللي عبارة عن كوب كاكاو مع كوب حليب بودرة و ماي حسب احتياج الخليط..
تخلطينهم على النار وتضيفيلهم سكر وتطعمين كل شوي لين ما يصير مذاقه مثل ماتبين (إذا تبينه مر أو متوسط الحلاوة أو حلو)..
وتحركينه على النار لين ما يصير قوامه غليظ..
وقت التقديم..
تقلبين صحن الحلاوة على صحن مسطح وتشيلين من عليه الألومنيوم.. (احنا حطينا الألومنيوم عشان يكون سهل القلب) و تصبين عليه صلصة الكاكاو وقت التقديم..

لذيـــــــــــــــــــذ وشكله يجنن بالذات إذا زينتيه بروحج بابتكاراتج بعد ماتحطين الصلصة..

تحياتي..