السلام عليكم يا أحلى صبايا...في كل النت
أخيرا سويت الليلة الصينية وكانت اصداءها رائعة اكثر مما كنت اتوقع
واليكم التفاصيل:
انا من فترة وانا قاعدة اخطط ليوم صيني حتى في التفاصيل الصغيرة يعني من ناحية الاكل واللبس والمكياج والديكور والكلام>>>بس مو كله يعني طراطيش تحلي القعدة واهم شي تكون مفردات رومانسية
1-الاكل.....طبقت طبخات الاخت طاطا بصطويسي جزاها الله كل خير(شوربة الروبيان+الرز الصيني بالربيان والخضار) مع ان عندي طبخات صيني كثيرة بس قلت ابغى اسوي شي جديد وصراحة كان الاكل لذييييذ.
2- اللبس....اشتريت لبس صيني مخصوص للحفلة اللي يجي ثوب طويل ومفتوح الجنبين وبرقبة وكمه قصير وعليه نقوش على اشكال تنين ...لونه اسود والنقوش ذهبي على احمر على اخضر بس كــــــــان تــــــــــــــــــــــــــحفة!!!!! وهذا موضة الحين في محلات الجلابيات في الشرقية وفي منه الوااااان
3- المكياج ....استفدت صراحة كثيير من مواضيع الاخت شوكولاته في دروس المكياج وطبقت ظل الفراشة لون اسود سادة وكان مضبوط بنسبة90% جزاها الله الف خير ...والروج احمر لامع حق الصينيين :kiss2:
4- الشعر.......هذا اللي حيرني فعلا ..شعري ناعم ومموج للكتف فلو بسوي تسريحة صينية لازم ارفعه كله لفوق وادخل عيدان الشوي ديكور للتسريحة بس حسيت ان منظري ماراح يطلع تمام لانه ما يناسبني الرفع فقلت بخليه مموج وطايح على كتفي عشان تبان الخصل الملونة اللي فيه وطلع احلى بمليون مرة مع ان الرفعة كانت بتكمل الديكور بس معليش كله الا شكلي :icon18:
5-المكان والديكور....صراحة ما سويت ديكور معين لكن بقولكم اش اللي حصل..لحسن الحظ ان تونا كنا مغيرين سيراميك المجلس والكنب كان برا لسه ما رجعناه قمت واخذت كمية شموع حقت الفواحة ووزعتها بشكل عشوائي على الارض وجبت ابجورة طويلة وشغلتها وسحبت طاولة الاكل الخشب اللي في مطبخي وحطيتها في الوسط مع الكراسي وحولت المجلس لمطعم هذا غير الاوراق المرمية على الطاولة وعليها عبارات وحروف صينية طبعتها من الكمبيوتر وعندي من اول لوحتين صغار عليهم حروف صينية جوني هدية من تايلند و استعنت فيهم............
وبكذا نكون غطينا الاجواء خلونا نشوف ردة الفعل.... :o
اول شي قلت ان جارتي جاية عندي يعني :10_1_103v وحطيت مفتاحي في باب الشقة الاساسي عشان يضطر تاج راسي لما يجي انه يدخل من المجلس على الجو مباشرة بس يافرحة ماتمت فتح الباب الرئيسي لما جا مع اني حاطة المفتاح :p واول ماشافني صار كذا :confused- وبعدين كذا :33:
وامرته يدخل على مطعمي مباشرة لاني كنت مجهزة هدية على السرير وما ابغاه يشوفها وهي عبارة عن طقم بجامة مع الروب والشبشب تبعها
وقدمت العشا على طول وهو في قمة الذهول والفرح والجووع :love: :icon19: :icon31:
وتعشينا وانبسطنا ولما شاف الهدية فرح اكثر واكثر لأنها البجامة اللي كان نفسه فيها بس ما اشتراها لأنه حس انها غالية فما اهتم ...بس جبتها انا وانا بنت ابوي :7_18_2:
وبس هذا اللي صار لكن والله قعد يشكرني طول الليل وكان خجلان مرة من نفسه ياعمري حس انه مقصر معايا لكن والله مافي شي يساوي سعادة الوحدة وهي تقرا الفرحة في عيون زوجها.........انتهت النشرة المفصلة :icon35:
الشعاع المستتر @alshaaaaa_almsttr
محررة ذهبية
يلزم عليك تسجيل الدخول أولًا لكتابة تعليق.
والله شي ماشاء الله عليك حركه رهييييييييييييبه الله لايغير عليكم ويسعدكم كمان وكمان00
الصفحة الأخيرة
ماقدرت ادخل واطلع وانا ماسلمت
الله يديم السعاده عليك