سويت مرمر زماني ..منكم وإليكم..

السلام عليكم ورحمة الله وبركاته...

أحب أقدم لكم هذ السويت اللي خذته من وصفاتكم..

و لأني بعد ما منعت الدريم ويب من بيتي لأضراره ..

مع العلم بأن ابني اللي معذبني في الأكل:11:..يموت على شي أسمه دريم ويب

بالبسكويت..لكن صدقوني يا خوات أنه هذا الحلو ألذ وطعمه راقي..

أنا اصلا ما أحب أكتب في المنتديات وايد بس للأني أحبكم وأعرف أن

اليهال يحبون الكريما قلت بكتب الوصفة حقكم..وهي سهلة وايد

وأخذتها من بعض الوصفات وخلطتهم..وسميتها..

مرمر زماني..كني مللتكم..السموحة

والمقاديربسيطة جدا:

أولا تذكرون وصفة طبقات النوتيللا لإحدى الخوات

يعني تحطين 3 ملاعق نوتيللا لكل علبة قشطه وتخلطينه

طبعا المقدار حسب الكمية ..هذه طبقة الكاكاو

والطبقة البيضة..عبارة عن 5 حبات جبنة كيري

و3 إلى3و1\2ملاعق سكر ناعم يفضل التايكو وعلبة قشطة

وذرة سكر الفانيلا..تخلطينها في الخلاط لين ماتستوي مثل الكريمة

وبسكويت تغمسينه في الحليب..

أظن عرفتن كيف ...يعني التلخبيط كل وحدة على ذوقها مثلا

طبقة بسكويت بعدين الخلطة البيضة وبسكويت وبعدين الخلطة البيضة

وتلخبطين آخر شي الطبقتين وتخلينها مثل المرمر أو الرخام..وتحطينه

في الثلاجة يعني ساعة ساعتين لين التقديم وبالعافية

خواتي جربوه طعمه فعلا حلو...إن شاء الله بتعجب عيالكم..

مع الشكر للخوات اللي ألهموني..لهذا السويت:32: