سويت مقابلة في حائل اليوم تعالوو شوفو..

السلام عليكم يامتعينات 

أبختصر عليكم الكلام  والله حاسة فيكم وبمعاناتكم
والله أرسل لكم الأن من مبنى الإدارات النسائية  دوبي خلصت من الساعة 8 وأنا عندهم ..
المختصر كل وحدة تجيب معاها ملف علاقي أخضر +صورتين من جواز السفر او بطاقة الأحوال الخاصة فيك (رجعوو بنات كثير للقصيم وتبوك والشرقية ومناطق ثانية  نصييييييحة لاتنسوونها)+كشف طبي والأفضل تسوينه جاهز ومختوم بدل ماتحوسين في المستشفيات ..أنا سويته في المدينة ورجعتني لأنه مو مختوم علية حق المخدرات وخيرتني إما أرجع المدينة وأكمله او أسوي واحد جديد في حائل ،، وأخترت اسوي جديد عندهم المشكلة مافية ورقة كشف وحووووسة دوري مكتبة مفتوحة وعندها نت وأطبعي وروحي سوي الورقة،،،
نصيييييييييحة جيبوووها جاهزة وكاملة او جيبوها فاضية وسووها في حائل
صورتين من الوثيقة مع الأصل+سجل الدرجات مع صورتين مو ضروري اللي عندها تجيبة+صورتين من شهادة حسن سيرة وسلوك مع الأصل +صورتين من الأيبان للبطاقة حقتك مو ضروري بس أفضل حتى ماترجعين بعدين تكملين اوراقك +الرغبات إذا مطبوعة حلوووو+وقت المقابلة ضرووووووري ++++ وأهم شيء مسوغات التعيييين عبوها وصورها نسختييين  والله جلست ساعة طلعووو روحي لاني نسيتها مالقيت مين يطبع لي الأوراق...


وبعد ماخلصت رحت للمطابقة وكانت في الدور الثاني والأستاذات مرة عسل وذووووق والله ترتاحيين عندهم،،
وكل البنات اللي اليوم سئلوهم أسئلة تربووووية ولا سؤال في التخصص
لكن مرة كثيييييرة كل وحدة ممكن تجلس 10 دقايق 

سألتني ممكن 12 او 13 سؤال والله ناسية،،
أهم شيء لاتتوترين خذي الوضع طبيعي،،
احاول اتذكر الأسئلة وأكتبها ،



لو عندك طالبة إنطوائية إش تسوين معاها؟
لو عندك طالبة فيها فرط حركة ؟
لو جاك إنتداب بين مدرستين وكانت المسافة بينهم 30 ك وحدة تروحين 3 أيام والثانية يومين تروحين ولا لا؟
لو أستلمتي المناوبة في المدرسة إش تسوين؟
لو كانت مديرتك ماتعدل بينكم وتسمح لبعض المعلمات يوقعون وقت الغياب وبعض المعلمات ماتسمح لهم إش تسوين؟
سنة كم تخرجتي؟ ودرستي في مدارس خاصة؟ولية؟ 
عندك خبرات؟دورات؟
إش طموحك للمستقبل؟
إطلعتي على المناهج الجديدة؟
كيف مشروع العلووم؟
عندك خبرة بالحاسب؟
وعروض الباور بوينت؟

هذا اللي في بالي ،، طبعا كل سؤال إذا جاوبت تطلع من إجاباتي أسئلة 
لكن المختصرررررر مرة خليك رايقة وأعتبريها دردشة عادية..





واللي عندا أي أستفسار أنا في الخدمة ،،

بس بالله أدعوولي يحطوووني في المنطقة قريبة من مدينتي...