المها الشمري 900 @almha_alshmry_900

عضوة جديدة

سويت نفسي داهيه وطحت للاسف بشر أعمالي 😭💔

السلام عليكم

بنات بادخل بالموضوع على طول
انا قبل فتره نزلت موضوع اني مطلقه واحس صرت وحيده واتمنى الزواج عشان الاطفال ومن هالكلام
وحده جتني قالت لي ترى خالي بيخطبك وكذا وانه قايل لنا انه يبيك المهم مر فتره اسبوعين على كلامها وهو ماجاء عاد هذا الشخص ماتصدقون اني كنت اتمنى اتزوج واحد بنفس مواصفاته هو مطلق مايدخن ولا يشيش جامعي مثقف اسلوبه يجنن عيال اختي الصغار اذ راحوا الديره بس يلعبون معه ويمدحونه دايما رايق ماشالله حتى خواته يحبونه ويحبون يجلسون معه
نجي للزبده انا رحت نبشت بحساباته بالتويتر والانستقرام لين طحت على سنابه واضفته من حساب وهمي عشان اشوف وش عنده وش شخصيته محادثات بس يعني كتابه مش صوت المهم ليتني ماكلمته بنات انا انصدمت فيه تخيلي درعم على طول معي وكانه يعرفني من زمان وتفكيره كله وسخ مايتعدى هذيك الامور
انا وش اسوي اللحين اذ خطبني مره تغيرت نظرتي له يع يع بنات معقوله الرجال كل تفكيرهم كذا احسهم مع احترامي الشديد على الكلمه بس زي الحيوانات اللي تشبع رغباتها
مسويه نفسي انا داهيه بس طحت بشر اعمالي وكرهته

22K

يلزم عليك تسجيل الدخول أولًا لكتابة تعليق.

تسجيل دخول

هنادي 77 • 6 سنوات

اشوف غلط انك تحكمين عليه من هالموقف اغلب الشباب كذا طقطقه قبل الزواج هذا رائي

noof999 • 6 سنوات

اغلبهم كذا الا مارحم ربي
استخيري والله يكتب لك اللي فيه الخير

المها الشمري 900 • 6 سنوات

الوردة السوداء :

لا يمكنك مشاهدة هذا التعليق لانتهاكه شروط الاستخدام.

انا كنت باكشف شخصيته وانصدمت فيها هذا قصدي ولا مانويت اطول السالفه معه

عواطف تركي • 6 سنوات

الزواج ماهو غصب ولا اجبار ولا فيه مجاملات

والبنت شورها في الزواج مشترك بينها وبين اهلها ماهو من راسها لراس الخاطب عشان تقرر انها تتزوج فلان يعني لا تعيشين الدور بزياده انك عرفتي بلاويه ومتحمسه تفكرين كيف ارده وارفضه ومن هالكلام اللي بدري جدا انك تقولينه وتحسينه بشكل مبالغ فيه !
استغفري وتوبي عن فعلتك واستري على ولد الناس وفارقيه بإحسان

ذنوب الخلوات محد يعرفها غير رب العالمين ومثل ماكشفتي ستر هالرجال وفرحانه تبشرينا ترى مانتي احسن منه لانك واقعه في الذنب مثله لانك تجرأتي وبحثتي عنه واخذتي حسابه واضفتيه عشان تكلمينه !
يعني وحده ضايفته بنفسها وهي اللي تكلمه بالله وش تبي منه ؟!!

رجال عزوبي وجاته وحده على طبق من ذهب تعرض نفسها عليه وتسولف اكيد بيتسلى معاها

وبس اقول ان الدنيا دواره وكما تدين تدان

tuka • 6 سنوات

عاد إش إيقول هو لما يعرف أنه كانت إنت ، المرأة إلي إختارها تكلم رجال أغراب عنها وتسوي علاقات وكلام وسخ وراح يتوقع الأخس وراح يقول يا ترى كم رجال عرفت ويقول طلعت عا....ما توقعتها هيك أنا لا أبررله يمكن يكون مو صالح لكن لا تحكمي عليه من مكالمه إستخيري وإسألي عنه يعي معاملته مع الناس فالدين هو المعامله عاد الله ليه نهانا عن التجسس لو كان التجسس ينفعنا الله ما نهانا عنه كان حثنا عليه عشان نكشف بعض