ابدئي حياه جديده مع رجل جديد
وش تبين ف الماااااضي
ولو كان زوجك الاول فيه خير ما طلقك بسهوله
الشيطان شاطر خرب بيتك اول مره والان بيهدم بيتك مره ثانيه
لا تخلين للشيطان مكان يدخل لك معه
اقرأي قران وشغلي في بيتك سوره البقره
واذكري الله واقرأي اذكارك
وطليقك تجربه ومرت والحمدلله
الان عيشششي الحاضر وانبسطي في حياتك
والخيره فيما اختاره الله ...

السلام عليكم ورحمة الله وبركاته




اتقي الله في نفسك , قَالَ رَسُولُ صَلَّى اللَّهُ عَلَيْهِ وَسَلَّمَ : ( أَيُّمَا امْرَأَةٍ سَأَلَتْ زَوْجَهَا الطَّلَاقَ مِنْ غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّةِ ) رواه الترمذي


في العلم : اول رجل في حياة المرأه تترسخ كل تفاصيله الحسيه في ذاكرتها ريحته شكله لونه مشاعره وهكذا .

فهذا شبه طبيعي انك تلاقين لطليقك حضور في داخلك , والمطلوب منك تتعاملين مع مشكلتك _( الخاصه )_ وتتخلصين منه من جواك

لان حتى لو تطلقتي ماراح ترجعين للاول وتذكري , ان اكثر مايفرح ابليس التفريق بين الزوجين .

تعاملي انتي مع افكارك , فكري لو كنتي ( بواقعيه ) مستمره مع زوجك الاول كيف بتستمر حياتك
ارجعي بذاكرتك لورى عيشي الشعور والتفاصيل ( مو ذكرياتك الحلوه , اخر ايام الطلاق هي المقصوده المرحله اللي وقفتوا فيها )
تذكري موقفه منك قبل ايام الطلاق ! وكرري هالموقف كثير , سبب الطلاق!

اشتغلي على الامور الحسيه اكثر الاشياء اللي تذكرك بطليقك , وكانت تعجبك ايام زواجك فيه !؟

لنفرض انه يستثير حاستك الشميه , اشتري عطورات ولوشنات لزوجك تعجبك , وقبل تنامين حطي له منها

واجتهدي بالشمشمه والشعور , حتى تبدلين الذكرى القديمه بالذكرى الجديده
وكلما عرضت لك ذكرى عن طليقك , على طول الغيها وتذكري زوجك الحالي
يعني اذا تذكرتي عطره , وقفي لاتستمرين وعلى طول تذكري عطر زوجك الحالي !

يعني شغل افكار وتقويمها , اقرأي كثير عن ذلك بتلاقين مواضيع كثير تفيدك بالنت تخليك تفهمين نفسك



( الناس تختلف , و زوجك فيه خير وهو نصيبك اللي اختاره الله لك ) لذلك حبيه واستمتعي بهذا النصيب ولاتنكدين نفسك على شخص انتهى من حياتك .


وفكري من جهه , مستعده تخسرين حياتك عشان افكار ؟؟ وذكريات ؟ وغم !
انتي محققه لنفسك بزواجك : استقلالية سكن , شخص يهتم فيك , اشباع عاطفي , في بيت متأمره مو مُستأمره , فيه من يفكر فيك ! يشتغل عشانك , بالمناسبات اللي تدور خلال السنه في من يفكر يسعدك على وجه الخصوص !
يمكن تلاقين بعض هذي الاشياء ببيت اهلك !

بس انتي على خير عظيم الرسول صلى الله عليه وسلم قال : ( المرأه العامله في بيت زوجها , والمتبعله له , لها اجر المجاهد في سبيل الله ).

وكثر الله خيره اللي تحمّل وصبر , واحمدي ربك ماطارت النعمه من يدك
زوجك مو مسؤول عن افكارك , وعدم قدرتك على التصالح مع نفسك وتقبل الواقع وغيره
انتي المسؤول عن نفسك
فلا تقولين اطلع حرتي ؟؟؟
ماكان هو سبب طلاقك , هو كان نعمه ساقها الله لك , تبنين حياة جديده بدل ماتعيشين ببيت ابوك تتبكبكين على اطلال الماضي , ولو تزوج طليقك كان متي بغمّ وقلتي جاء الوقت اللي اطلعه من راسي !


احمدي ربك اولا واخر وعاشرا , ولو تطلقتي مره ثانيه الطلاق يكسر نفس المرأه كما جاء بحديث الرسول صلى الله عليه وسلم , بتقعدين من جديد مكسوره وتبكين على الاطلال


كل مشكلتك , ماعرفتي تتخلصين من ماضيك مع زوجك , ونفس الوقت افكارك تسبب لك ضغط نفسي كبير , تتذكرين طليقك , وماتعرفين كيف تتصرفين مع هالذكريات


انا مااقولك الغي الجميل منها , تبقى حياتك اللي عشتيها من نعمة الله عليك وهي شي خاص فيك , لكن انتي هي انتي والله اللي اكرمك من قبل يرزقك كمان من بعد , ناظري قدامك وعيشي حياتك , الجمال اللي بتعيشينه اليوم , بيصير ذكرى لكم بكرى :*



فمان الله















مسكين زوجك :(

يعني كل هذي الهذره عشان طليقك يني ضامنه طليقك ويرجع لك بعد ماتطلقين من زوجك

ابشرك ماراح ياخذك وزوجك قولي له مابيك طلقني والله يرسله بنت بنت بنت تحبه ويغادر عليها وتصصونه ويودها ولا تخانق معاه لأنه ماعندها زواج سابقا

اقراي سورة البقره فاخذها بركه وتركها حسره ولاتستطيعها البطله

ماتدري بركتها فين

وفقك الله

الله يسامحك يا اختي كأنك تتشمتين انا ما قلت بتتطلق قلت ابي حل لان هاللي انا فيه بيأثر على حياتي