سويسرول أومليت

صباح الخير حبيباتي
اليوم جت لكم طريقة بيض للفطور و للعشاء سهله و حلوه كتغير و انا الي سميتها كذا لانها ذكرتني بكيك السويسرول
و هذي الصوره


نحتاج
1- اكياس التوست زي هذي الي تقدرين تسكرينها من فوق


2- بيض و كل ما تشتهين انا حطيت زيتون شرايح و حلوم مبشور و وحده منهم زدت عليها الطماط لاني احبه مع البيض و عيالي ما يحبونه
تقدرين تزيدون كزبره - شبنت - نقانق - فلفل اسود - اي شي تحبينه مع البيض
3-بعدين تجهزين قدر فيه ما يغلي

الطريقه :
اخلطي البيض بالي تبين من المكونات و صبيه في كيس التوست و الحجم الي بينتج يعتمد على الكميه الي صبيتيها و تلاحظون ان الصوره الي فوق حجمين
صم سكري الكيس و دخليه القدر الي على النار و تاكدي ان الماء وصل لدرجة الغليان و لازم ما يكون في الكيس هوا علشان ما يطفح مره
خليه دقايق و الاستواء يعتند على الرغبه يعني زوجي ما يحبه مستوي مره و ناشف
و بالعافيه