سويسرول الكاكاو بالبسكويت …. أمممممممم حلو بالحر هالأيام

هلا خواتي .. بمناسبة رجوعنا من يديد لعالم حواء.. أقدملكم هذا الحلى السهل واللذييييييييييذ..

المقادير:

5 علب قشطة ( قيمر )
5 ملاعق طعام سكر ناعم
5 ملاعق طعام ككاو بودرة نستله أو كادبوري
علبة و نص سكويت بيتي بور من شركة تيفاني ( 200 جم ) أو علبة كبيرة وعلبة صغيرة

الطريقة:

_ في اناء كبير ( ملة ) نخلط القشطة والسكر والككاو OK
_ بعدين نضع البسكويت المكسر قليلا.. يعني كل حبة تقطعينها أربع أجزاء ..ونخلطهم بس شوي شوي عشان ماينفرم البسكوت وايد بس مجرد انه يتغمس كله مع الخلطة..
_ بعدين نحضر قرشة ماي حجم كبير ونلفها بالقصدير بس من نصها لاخر شي والزايد نلويه من تحت.. ثم ننزع القصدير من القرشة ويكون على شكل اسطواني مربوط من تحت… انشالله بس كل شي تمام لين ألحين..
_ نصب خلطة الككاو مع البسكوت في القصدير لحد ثلاث أرباعه بس ويمكن يحتاج لعمل اثنين من القصدير وبعد نلويه ونسكره من فوق .. ونضعه في الفريزر من 4 – 6 ساعات وبعدين نشيل القصدير ونقطعه حلقات وبالهنا والعافية..

ملاحظة.. الطريقة والمقادير سهلة بس شوي طريقة القصدير لاكنها مب صعبة بس اللي يسويها مرة خلاص تكون بعدين سهلة..
والبارحة مسوية هالحلى حق اليوم العصر وكل ما جمد في الفريزر كل ماكان أحسن عشانه بسرعة يذوب.. واللي يبقي أي شي أنا حاضرة بس همتكم انكم تسوونها وهي حلوة وتنفع لهالحرررررررررررررر.. هاه خواتي مابقي تطنيش مثل قبل!!