مساكم الله بالخيرات والمسرات
اختكم ف الله ماعمرها نزلت موضوع خاص فيها نهائيا
لكن نزلته لعيون اختنا احب هالفن..واتمنى تطبقونه وتطبقه وتضبط معاكم...ركزوا ف كل نقطه وخليكم
منتبهين ولاتستعجلون
ومابي ف الاخير الا دعوه لي بان الله يفرج همي ويشفيني وجميع المسلمين ..امين
المقادير والطريقه مع بعض
زبديه حطي فيها 6 بيضات كاملات+م ص فانيليا سايله+رشه خفيفه مره مره ملح ناعم+نوص كوب سكر ناعم بس مو مطحون
وطبعا ف شغلي هنا استخدم الاكواب المعياريه
وحطيهم ع حمام مائي وع نار هاديه واضربي البيض بمضرب سللك يدوي متواصل لمدة 5 دقايق
مع التشديد ع النار انتبهوا لها لاتطوولون عليها عشان لايستوي البيض..
شيليهم من الحمام المائي واضربيه بمضرب الكيك الكهربائي ع سرعة عاليه لمد 6دقايق مهم النقطه هذي
بعد ال6 دقايق توقفين المضرب وتستخدمين الملعقه البلاستيك الي مخصصه للكيك الاسفتجي وتكونين مجهزه كوب دقيق عادي منخول
وترشين شوي شوي وانتي تخلطين باتجاه واحد ومن تحت لفوق وبشويش مره وهكذا لمن تنتهين
تكونين قبلها مسخنه الفرن ب 5 دقايق ع 250 والشبك ف الوسط ومولعه الي فوق وتحت
جيبي الصينيه(ومقداري هنا تكفي صينية حجمها 25 سم في 25 سم وتكونين مغلفتها بورق الزبده(مو ورق الشورما)
وممنوع تدهنين الصينيه باي زيت ابدا...
ووزعي العجينه بالتساوي وبشويش وبخفه بالملعقه البلاستيك حقت التوزيع ... ولاتحاولين تضربين الصينية ابدا
دخليها الفرن لمد 8 دقايق بس بس ومن خبرتي فيها لمن تطول ف الفرن تنشف وتجف وتتكسر اثناء اللف
ف الوقت الي تنتظرين فيه جهزي ورق زبده ثانيه ورشي عليه سكر بودره
والحين نبدا ف الخطوات
الكيكه لمن طلعتها من الفرن
ورق الزبده الي مجهزينه.
تقلبين الكيكه ع ورق الزبده وهي حاره ع طول.
تفكين ورق الزبده الي ملصق ع الكيكه وبشويش .
تلفين الكيكه بسرعه وهي حاره وانتي تلفينها اكبسي عليها وبعدين لفيها بكيس واتركيها ربع ساعه او ثلث ع حسب برودة المكان.
شكلها بعد مالفيتها.
بعد ربع ساعه او ثلث افتحيها بشويش وادهنيها بالي تحبين(قشطه او مربى فواكه او دريم ويب )انا دهنتها شوكولاه بالبندق سايله
ارجعي لفيها ثاني مع الضغط والكبس بشويش مو تتحمسون هههه...وطبعا تلفونها بدون الورق خلاص انتهينا منه..
بعد ماتركتها ربع ساعه ثانيه قطعتها وقدمتها.
حبيت اوريكم الصينيه لاني مابغى لها اي حواف حد ادنى سم واحد او اقل مثل الي تشوفونها
والملعقه الي طرفها خشب هي الي تخلطون فيها اثناء ماتحطون الدقيق ..والملعقه البلاستيك الثانيه هي الي توزعين فيها الكيك وهو ف صينيتها
وزي ماقلت كمية الكيك تكفي صينية مقاس 25 سم ف 25 سم
والدقيق استخدمت هنا العادي مو الكويتي وف حال استخدمتي
كويتي طبعا راح تزيدين عن كوب لانه خفيف..
وحبيت اقولكم فرني كهربائي لانه يفرق عن الغاز
اي سؤال انا حاضره
دعواتكم لي
لا احلل ولا اسامح الي تنقل موضوعي لاي منتدى ثااني
على فكره ماقرات الموضوع
ورعان صغار
هههههههههههههههههههههههههههههههههه