سويسرول تونه روووووووعه

السلام عليكم ورحمة الله وبركاتة
اقدم لكم طريقة سويسرول روعه ومجربتها بنفسي وكل احد ذاقها انجن عليها وسألني عنها وبصراحه حبيت اقولكم عنها واتمنى انها تعجبكم
المقادير والطريقه
ملعقتين مايونيز+ملعقتين طحينيه + ملعقة جبنه سائله طبعا مهي بوك + شوي ماء
نضعها في الخلاط ونخليها على جنب
علبتين تونه نهرسها بملعقه + بصل اخضر مقطع صغير + بقدونس مقطع صغير + طماطم مقطع صغير + جزر مبشور ونضع عليها اللي بالخلاط ونخلطها مع بعض ونضيف شوي ملح وشوي فلفل اسود وشوي كمون ونخلطها بعدين نجيب خبز لبناني
ونقطع الخبزه بالنص ونشيل كل شريحه لحال ونحشيها بالتونه ونلفها على شكل سويسرول لحد ماتخلص الكميه طبعا نصفها بصينيه
على جنب نقطع بصل صغير ونحمره بزيت ونجيب طماطم حوالي سته ونقطعهم صغير ونهرس فصين ثوم ونحطهم على البصل ونحط عليهم شوي ماء وملح وكمون وفلفل اسود وعلبة صلصه ونخليهم على النار لحد مايتسبكون ونصبهم على الصينيه ونرش عليها جبن مبشور ونحمرها بالفرن من تحت وفوق وبالهناء والعافيه