سويسرول مالح.... في كل وقت صالح.....سويها وانت الفالح

السلام عليكم جميييييييييييييييييييييييييييييييييييعا:D

اليوم جايبتلكم طبخه بس وشو بتقوم حرب عليها اذا سويتيها من زود ما هيب لذيذه جدا ;) ;)

بسم الله ابدأ.....

المقاديروالطريقه:

1- حطي بالخلاط ما يلي:( 3 بيضات + علبة قشطه + علبة جبن كرافت شيدر(تبشرينها) + ملعقة اكل بيكنج بودر + 3 حبات خبز توست أو حبتين خبز صامولي) خليه ينخلط زييييييين بالخلاط(بتطلع لتس الخلطه سائله).

2- بعدين جيبي صينيه مستطيله وادهنيها زييييين بالزيت(لان العجينه سايله وتلزق بالصينيه علشان كذا اكرر ادهنيها زييييييين بالزيت).

3- صبي الخلطه بالصينيه ودخليها بالفرن على حراره متوسطه(طبعا تكونين مشغله الفرن من قبل) من تحت وصكري الفرن وخليها ثلث ساعه لاتفتحين عليها .

4- بعد الثلث ساعه افتحي الفرن وشوفي اذا خلصت من تحت سكري عليها وافتحي الفرن من فوق وخليها تتحمر شي بسيييييييط جدا لاتخلينها تتحمر مررررررره.

5- طلعيها من الفرن وخليها تبرد شوي وغطيها بفوطه بعدين جيبي قصدير وافرشيه على الطاوله(حجم القصدير يكون تقريبا كبر حجم الصينيه مرتين تقريبا).

6- بعد ما تفرشين القصدير اقلبي الصينيه عليه الين تطيح العجينه على وجهها على القصدير .

7- بعدين جيبي مايونيز او جبن سائل(المتوفر عندتس) وادهني العجينه كلها بالمايونيز او الجبن.

8- بعدين تصير عندتس حشوة دجاج(بصل+فلفل بارد+كرومب<ملفوف>+جزر مبشور+دجاج مسلوق ومنتف+ملح+بهارات)او اذا كان عندتس اي حشوة دجاج جاهزه من اول حطيها على طرف العجينه المقابل لتس حطيها على الطرف فقط ولا تنشرينها.

9- بعدين اذا حطيتي الحشوه لفي العجينه بشكل اسطواني ولكن لا تلفين القصدير معها لفي العجينه فقط بشكل اسطواني واذا خلصتي من لفها بسرررررررررررررررررررعه لفي القصدير عليها وخليها مدة ربع ساعه وهي ملفوفه على جنب.

10- بعدين جيبيها وقطعيها على شكل حلقات سويسرول بعدين اذا خلصتي من تقطيعها جيبي صحن التقديم وصفي السويسرول فيه بس بعد ما تشيلين القصدير من الحلقات(يعني اذا قطعتيها قطعيها والقصدير فيها واذا خلصتي تقطيع وجيتي تصفينها بصحن التقديم امسكي كل حلقه وفكي القصدير عنها)

11- اتوقع ما فيه شرح مثل ذا الشرح وبالهناء والصحه والعافيه....الخ.

:cook::cook::42::42::23: