امس كان اول مرة مرة لي في شهر رمضان ادخل المطبخ و اسوي شي...
فقلت بصور الخطوات وياي عشان اذا نجحت التجربة اعرضها في منتدى عالم حواء...
المهم...
العجينة تكون مثل عجيبنة الساندويش او عجينة البيتزا ... ( اعتقد انهم نفس الشي)
انا خليت الخدامة تسويها العجينة..
المقادير ..
عجينة ساندويش...
دجاج مسلوق و منتقف...
طماطم حبه واحده...
شويه بقدونس مفروم...
شويه ملفوف مفروم...
بصلين صغار مفرومين...
روب ملعقة كبيرة...
نص فنجان عصير ليمون...
ملح و فلفل اسود...
ملعقة كمون بودرة...
ملعقة كزبرة بودرة...
و اي بهار ثاني تحبين تضيفينه...
نبدئ بالخطوات...
نحمص البصل ويا شويه زيت و يوم يتحمر شوي نضيف عليه الملفوف و البقدونس و الطماط
و عقب ما يتغير لونهم شوي نضيف الدجاج عليهم و فوقه الروب
نخلطهم مع بعض و نضيف نص كوب ماي
عقبها نحط جميع البهارات
نخليهم على النار لمده 5 دقائق لين ما ياخذون نكهة بعض..
و عقبها نفرد العجينة و نخليه على شكل مربع تقريبا 30 سم او دائرة نفس الحجم
و نضيف عليه الحشوه
و نلف العجينة بس ما نلفها كاملة نسويها لفتين بس و عقب نقطع العجينة..
و عقب نسوي رول غيره
و بيكون الشكل جذا
و بعدها نصفها في صينية الفرن عقب ما نكون دهنا الصينية بشوية زيت...
انا سويت 4 رولات و وحده على شكل السينامون رول
و ندهن وجه العجينة بالبيض... و ندخلها الفرن لين ما تستوي
وعقب ما نطلعها من الفرن يكون اللون حلو انا نسيت اصور الرولات الباقية بس صورت هذي
صار شكلها مثل الكرة
و هذا عقب ما قطعته و صفيته في الصحون عاد انا ما عندي خبره في التزيين
و الحمد لله الكل مدحه و الكل عجبه ...
و عاد انا استانست يوم يسألون منو مسونه يقول فلانه :42:
خبروني شو رايكم و اللي تجرب يا ريت تحط صورة تجربتها في الموضوع
اختكم ..
شيخة القلاليف