صباح الورد ياحلوين
حبايبي عن جد ملينا من الشحوم وزهقنا نشوف الملابس الحلوه بس مانقدر نلبسها ودنا نكشخ بس مانقدر ناخذ راحتنا صارت الشحوم طالعه من كل مكان .. طيب الى متى ؟؟؟
الى ان توصل اوزاننا لأرقام ماكنا نتخيلها ؟؟؟
انا من ولدت ووزني مستمر بالزياده والان عمر ولدي 8 شهور .. يعني اذا كمل سنه راح اصير 150 بسهوله
بجد قرفت من نفسي .. وكل مادورت رجيم او خلطات الاقي فيها الف عله
انا ماراح اطول بالموضوع انا زمان ايام كان عندي احساس زاد وزني 5 كيلو وانقهرت ورحت سويت رجيم ونزلت 7 كيلو
بس الان انا عديمة احساس والدليل اللي حاصل معي .. طيب اوكي ليش ماتسوين هالرجيم ؟
لاني ضيعت وقتي طول هالايام بشي ينحفني بسرعه ونسيت انه اللي ينحفني بسرعه راح يرجع وزوني وزياده بسرعه
حبايبي انسوا كل شي بس تذكروا انه اذا نحفتوا كل شي فيكم راح يتغير للأحلى وراح تبان انوثتك وراح تبان ملامحك وراح يتغير شكلك والاهم راح تتغير نفسيتك للافضل
وراح تلبسين كل اللي نفسك فيه وراح تكشخين براحتك وبكل ثقه ...
انا راح انزلكم الرجيم يابنات ولحد يسألني في كم ينزل وكم ينزل لسببين
الاول انه والله ما اتذكر لان الكلام هذا وانا بنت قبل لا اتزوج بكثير
الثاني انه لاتستعجلي واذا تبغي العجله لاتسوينه
الرجيم مره حلو يابنات ومن حلاته اني حتى بعد مانحفت تعودت عليه صرت اكل نفس اكله
والله يابنات بعد ماسويته شفت ناس لي فتره ماشفتهم وكلهم مره اتفاجئوا من نحفي وملابسي بجد كلها صارت واسعه
وللامانه كنت امشي بس بصراحه مو كثير يعني اذا جاتني فرصه ..
المهم حبايبي علشان تنحفون طيعوني واعملوا نفس ما اقولكم وانسوا الميزان وانسوا كل شي بس ركزوا بنظام اكلكم
وعلشان ما اطول اكثر من كذا هذا الرجيم /
الفطور /
" بيضتين مسلوقه _ 2 توست او نصف رغيف _ قطعه صغيره جبن ابيض قليل او خالي الدسم أو لبنه قليلة الدسم "
او
" 3 ملاعق فول _ 2 توست او نصف رغيف _ قطعه صغيره جبن ابيض قليل او خالي الدسم أو لبنه قليلة الدسم "
او
"كورن فليكس الرشاقه مع حليب خالي الدسم " او "شابوره بر مع حليب او شاي "
الغداء /
" شريحة سمك مشويه او بالفرن _ خضار مسلوقه او مطهيه بالبخار _ سلطه او شوربه "
او
" شريحة دجاج مشوي او بالفرن او مسلوق _خضار مسلوقه او مطهيه بالبخار _ سلطه او شوربه "
او
"شريحة لحم مشويه مشويه او بالفرن _خضار مسلوقه او مطهيه بالبخار _ سلطه او شوربه "
العشى /
" تونه مصفاه من زيتها _ سلطة خضار "
او
"زبادي _ خبز "
او
" توست _ شريحة جبنه "
او
" شابوه _ شاي "
لحد يرد يابنات الى ان اكمل
يتبع
انا كنت اسوي الدجاج كالتالي :
اتبله بزبادي خالي الدسم ورشة ملح ورشة فلفل ورشة اي بهارات وبعد ماركها بتتبيله ساعه او اقل او اكثر احطها بالفرن واخليها تطول أو احطها على الصاج واقلبها كل شوي
بالنسبه للخضار كنت اجيب جزر وكوسه وبطاطس والبروكلي اهم شي واغسلهم زين واقطعهم قطع كبيره واحطهم بقدر واسلقهم طبعا بالتدريج وارش ملح وفلفل اسود وكمون
والسلطه لازم تحتوي على كرفس لانه ينحف
وبالنسبه للشوربات كنت اشرب شوفان بدون اي اضافات بس ماجي وماء او شوربة خضار وكنت اشرب شوربة عدس بس فيها ناس العدس ينفخهم
بالنسبه للقهوه والشاي كنت اشسرب شاي مره وحده باليوم وسكر تروبيكانا نصف الكيس
والقهوه ماشرب الا نادرا
بين الوجبات كنت اكل تفاح بس واشرب ماء كثير
اذا اشتهيت حلى مره كنت اروح السوبر ماركت اشتري حلى الرجيم واكل قطعه بس
بنات انا راح ابدأ من السبت ان شاء الله باالنظام هذا وراح امشي على السير كثر ما اقدر من راح تبدا معي ..........
وترى خالتي خبره بها الامور اللي محتاجه شي تسألني وانا اسألها واقولكم
وصح نسيت اقولكم يابنات انتبهوا من الاعشاب ترى انا القرفه تسمني وفيه ناس تنحفهم يعني مو كلكم مثل بعض
دعواتكم لي بالنحافه من غير شر