سوي لك كابتشينو ... وتعالي اقري قصة ولادتي البكريه بالتفصيل الممل

:)مساء - صباح الورد
كيفكم حبيباتي


شغل المقدمات موب عندي
>>> ياهوه ارحمينا

الزبــــــــــــــــــــــــــــــــدة



!!!!!!

أي زبدة أصلا مادخلنا بالموضوع !!!

خخخخخخ

أنا بكريه
الله يسلمكم المفروض تكون ولادتي في يوم الإربعاء الموافق 4-4-1432
بس الله ماكتب
جيت في ذاك اليوم أحوس في بيتي :angry:
:angry:تنظيف - كنس - تلميع - تهويه - حتى الدرج والحوش غسلته ................. الخ


كل هذا ابغلى احس باعراض الولاده ولافي امل

المهم رحت لاهلي سمرت عندهم

رجعت لبيتي واحاول اتحسس الام الطلق ولافي شي
الا بالعكس نشاط وخفه

يارررررربي

ويجي يوم الخميس كلمني ابوي الله يطول بعمره

قال بشري ماولدتي
وانا
نو وي

( رضيت بالطلق والطلق مارضا فيني )
خخخخخخخخخخخخ

حلوة ذي

المهم واروح لاهلي يوم الخميس كان عندهم جمعة
عماتي يعني

ونسمر ونستانس
ياربي

وهز ياوز

ابغى الطلق يجيني

لكن لاحياة لمن تنادي


سبحان الله العظيم جاني احساس
مجرد احساس
ان الفرج قريب
يالله رحمتك
بس مافي اي الام
مجرد احساس
كلمت زوجي وقلت له ممكن انام عند اهلي ؟؟
استغرب !!

مو عادتنا البنت تنام عند اهلها

وافق :icon28:


لما جات الساعه 1:00 بالليل
احط راسي وانام من الخوف
(((( هذا وهو مجرد احساس )))

وانا كنت متفقه مع زوجي اذا جاتني اعراض الولادة ووداني المستشفى
مايقول لاحد حتى امي وابوي
كنت ابغى ابشرهم بسلامتي وبس
ما احب اوترهم

المهم صحتني امي الساعه 10 الصباح
عشان نفطر سوا ونسولف
وأول مرة من بداية حملي
حسيت اني ثقييييييييييييييييييلة
وارهاق وتعب
المهم جلسنا انا وامي واخواتي
يوم تجي الساعه 12 الظهر بالضبط وربي بالضبط
>>> اخلصي
هع هع هع

بديت احس بضغط شديد جدا جدا جدا جدا عالمثانه
احس ابغى اروح الحمام وانتوا بالكرامه
مجرد دخولي الحمام راح الاحساس
شكيت بالموضوع
الناس يقولون الطلق مثل المغص
وانا ماحسيته زي المغص

المهم تجي الساعه 12:10 ونفس الضغط رجع لي
قلت يابنت مابهاش شكله طلق

خليني احسب له اذا انتظم معناته طلق

ورحت امشي بالبيت
ما استغربوا اهلي لأني من قبل الزواج وانا راعية مشي
وامشي وامشي وامشي :09:
والطلق شكله حار كل 10 دقايق يجي
واذا جاني ما اقدر اوقف اصير كاني اركع
يالله رحمتك وعافيتك
جلست على هالحال ساعه الا ربع
بعدين صار يجي كل 7 دقايق

سبحان الله من الله

يابنات والله انا مو من النوع اللي اشرب حاجات تسرع الولادة او تحمي الطلق
بس من دخلت الشهر التاسع
وانا اكل رطب
لأنه بالقرآن مكتوب

واشرب زنجبيل أحطه مع الحليب او شاهي النعناع
اشربه لأني احبه مو عشانه يفتح الرحم
وكنت امشي في بيتي
وفي السكن

نرجع لمحور حديثنا :44:

المهم انتظم الطلق كل 7 دقايق
واتصل على شيخ الشباب :arb:
وقلت له ترا جاني الطلق خلك جاهز باي وقت اذا ما قدرت اتحمل تعال
قال طيب

واستمريت عالمشي
بدا الطلق يشد اكثر
ماتحملت
رحت الحمام عشان اهلي مايحسون
وابكي بكاء شديد
بصير أم
بكاء ودموع الفرح
وربي دموع فرح
بصير أم

يارب لك الحمد ولك الشكر
الهي كما رزقتني ارزق غيري

ايوه تذكرت
نزلت مني زي الافرازات لونها اخضر
غريبه اول مرة اسمع فيها
بكريه وماسمعت بذي الشغلات

جات الساعه 3 العصر وصار الطلق يجي كل 4 دقايق

رحمتك يالله
زي ماقلت لكم ضغط عالمثانه + كتمه ماقدرت اتنفس
احس فتحة خشمي مثل فتحة الإبرة

وكل ماجتني الطلق آخذ نفس
واذكر الله

دقيت على زوجي
خلاااااااااااااااص
مقدرت اتحمل
قلت لأمي بروح اكمل اغراضي من العطار والصيدليه >>> تكذب على امها
جاني ورحنا على طول للمستشفى
مستشفى الحرس الوطني بالرياض
بصراحة
كلمة رررررررررررررررررررررررررررررررررررررررائع
قليله في حقهم
ماشاء الله تبارك الله

طول ما انا بالسياره اتنفس
واذا جتني الطلق شديت على يد زوجي
عاد هو خواف
هع هع هع
شكله يجنن
المهم دخلت غرفة الولاده
كانت جنسياتهم من جنوب افريقيا بس رهيبات
وحنونات
والفلبينيات نفوسهم خايسه
المهم يوم شافوا بطني
قولوا ماشاء الله

انجنوا

بيبي كبير
او
توأم

وانا اقول اذكروا الله يابنات اللذينا !!!!

صار الطلق يجي كل دقيقتين
وانا ماسكه نفسي
واقول لهم عطوني كمام
قالوا مو الحين جوا في غرفة المخاض
يالله
صارت دموعي تنزل بدون صراخ
وربي ماصارخت ولاخفت تدرون ليه ؟؟؟

السبب

كنت طول فتره حملي اشجع نفسي
وارسل لعقلي الباطني
ان الامور ان شاء الله طبيعيه
ومافي شي يخوف
كل الحريم كذا ................... الخ

المهم قلتلهم خلاص البيبي بينزل
قالوا لازم تجي الدكتورة تكشف يمكن الرحم مقفل


وووووووووووووووووشو:icon33:
لا مستحيل كل هالالم
المهم
الفاجعه الكبرى
قالوا لي انتي وضعك مايسمح ان دكتورة تستلمك
انتي لازم طاقط طبي يتكون من استشاري و2 اخصائيين
بطني كبير مرة بالطول والعرض

يعني ايش !!!!

رجال اللي بيكشف علي
قالوا لا
2 رجال وحرمه
لا ياشيخه

المهم جا الدكتور وكشف
قال انتي بطله
والله يابنات الكشف من تحت مايوجع مثا ماتفضلوا الاخوات
شكلكم تشدون انفسكم
انا ارخيت جسمي وساعدتهم
قال لي الدكتور انتي بطله (( يشجعوني عشاني بكريه ))
مفتوح الرحم 6 سم
كيف تحملتي ؟؟
ماشاء الله تبارك الرحمن

تساهيل من الله
وسألوني عن اي انواع المسكنات ابغى
ويحاولون فيني
يبغون يعطوني ابرة ظهر
وانا هنا صرخة صرخه
لااااااااااااااااااااا
وربي لو حطيتوا لي ابرة ظهر لاشتكيكم لوزارة الصحه

لأني كنت رافضه رفض تام
ولافكرت اخذها ابدا مهم صار
قالوا انتي بكريه والبيبي كبير بتتعذبين
قلت عادي
عطوني كمامه
قالوا يلا انقلوها لغرفة المخاض
جاتني القابله بريطانيه حنونه جدا
والله حتى اسمها اذكره (جون)
الله يسهل لها امورها
ساعدتني كثير

دخلت غرفه المخاض
وياااااااااااكرهي للجهاز اللي يقيس نبضات القلب النونو
ويقيس الطلق
اكرهه
المهم قلت لها تعبت ابغى امشي
وخلتني امشي
اللي استغربته
كل اللي يولدون مايصرخون ولاسمعت نفس
ولاهمسه
بس اسمع ( يلا ماما بوش بوش)
بعدين اسمع صوت بيبي يبكي
معقوله كذا الولاده !!!

اكتشفت بعدين
ان سياسة المستشفى ابرة ظهر
يرغبونك فيه
المهم جا الدكتور وحاول فيني اخذ هالابرة بصراحه مع قوة الام الطلق
بديت افكر اخذه
بس رجعت اقول لاااااااااااااااااااااااا
جو الدكاتره والقابلات
يحاولون فيني
وانا رافضه
قلت لهم
حرام عليكم
ماتعبتكم
وانا بكره للحين ماصرخت ولا بكيت ليش تحاولون فيني
مسكني الدكتور وقال الموت مو الحين الموت لاطلع الراس
جنينك كبير
احسن لك طيعي شوري وخذي البره
قلت له اطلع برا
ماني ماخذتها والله لو عطيتوني الابرة لاشتكيكم
المهم جات الساعه 8 ونص بالضبط
واصرخ ذيك الصرخه
قلت لهم جيبلوا الدكتور عبدالله
وانا كنت امشي
يوم جا
وربي يابنات وربي
اني


طحت عند رجوله
وقعدت ابوس يدينه تكفى خدرني
خلاص ما اتحمل
خدرني تخدير كامل
ولدوني قيصري
ماتحمل
مسكين الدكتور يوم شافي رحمني بغى يبكي
قال خذي ابرة ظهر
قلت
الموت الموت الموت
انا قاعدة اشوف ملك الموت


وربي عيني عالباب
تذكرت الموت روح تطلع من روح
تذكرت امي وجلست ابكي
نادوا استشاري التخدير
وقالوا لي انتي خايفه
قلت ايه سمعت الكثير يذمون الابرة
جتني دكتوره استشاريه
قالت لي انا عندي اربع بنات
كلهم جبتهم بابرة ظهر
ولو هي تضر ما كان اخذتها وانا دكتوره
قلت توكلوا على الله
المهم جلسوا يسولفون معي ينسوني
وحط الدكتور يده على ظهري وقالي تحسين بيدي
قلت ايه
قعد دقيقتين يسالني هالسؤال
وانا احس
اخر شي ماحسيت
قال خلاص حطيت الابره
والله والله والله
ان الالم اختفى نهائيا
اختفى بنسبة 200%
سبحان الله
الله سخر لنا امور كثيرة مع تطور العلم
واحنا نرفضها
كل من دخل علي من الدكاتره او القابلات جلست ابوس يدينهم
وابكي من الفرح ان الله يسر لي
هالكلام الساعه 9 بالليل
قالوا لي نامي واذا طلع الراس بنصحيك
!!!!!!!!!!!!!!!!!!!!!!!!!!!
لا لا لا مو معقول
تستهبلون
؟؟؟
قلت لهم والله لو طلع الراس وحسيت بالام والله لاشتكيكم
!!!!!!!!!!!!!!!! قالوا انتي شكلك بتشكينا عشان ولدناك
هع

المهم جلست اذكر الله
وانا ما احس بشي ابد

واحط راسي نووووووووووووووومه

دخل علي زوجي الساعه 12 ونص
وصحاني
قال هيه
وش السالفه
مقررين لك ولاده ولا ايش
ليش نايمه
عاد انا ماودي انه دخل وانا نايمه
لا وسعابيلي عالمخدة
من كثر النوم

قال زوجي على كذا
كل سنه جيبي لنا نونو
ايه هين


المهم طلعوه
وكشفت علي القابله وقالت مفتوح 9سم
وانام
المهم صحوني الساعه 2:05 بالليل قالوا لي يلا
بوش بوش
ادفعي ونادوا الطاقم والله لو ايش
وانا ما احس بشي
قلت لهم عسى ماشر وش السالفه
>>>> نست انها بتولد

( مع ابرة الظهر مش هتقدر تفتح عينيك )

قلت لهم وش فيكم وش السالفه
قالوا يلا دفي الراس بيطلع
قلت اي راس

!!!!!!!!!!!!!!!!!!!!
خخخخخخخخخخخخخخخ
ايه تذكرت راس النونو

قمت اساعدهم وادف وادف
المهم كنت مغمضه عيوني ما ابغى اشوف الادوات الحاده
ملاحظه غرفة الولادة تجنن كل وحدة لها غرفه بحمامها

عدنا
طول ما انا ادف اقول
يارب ساعدني
اللهم اني برأت من حولي وقوتي ولجأت الى حولك وقوتك

المهم
جت الساعه 2:40
طلع النونو
يالله


جلست ابكي بكاء

يالله شكرا على هذي النعمه
وفتحت عيني وشفته
حطوه على صدري
رحت انا فكيت الازرار ودخلت ولدي جوا خليت جسمي يلامس جسمه
وااااااااااااااااااااااااو ريحته تجنن
وصوته حلو وهو يبكي
وربي يابنات اني اكتب لكم الحين وانا ابكي تذكرت ذيك اللحظات
اللي ماراح انساها طول عمري
ولدي بحضني
رحت حضنته بقوة
خاصموني قالوا تعورينه
وباركوا لي

مسكته القابله وخلته يكفخني بيدينه الصغار

ياااااااااااااانااااااااااااااااااااسو
ربي لايحرمني منه
ولدي يهبل
الله يحميه ان شاء الله
وخذوه مني لقسم الاطفال
وانا جلست دكتوتي شكلها كويتيه
تخيطني ولا احس بشي ابدا ابدا ابدا

( مع ابره الظهر مش هتقدر تغمض عينيك )

>>> وش عندها ذي !!!


المهم قالت الدكتورة بخيطك خياطه ولاتحلمين فيها
عاد انا انبسطت
وخليتها تاخذ راحتها قعدت ساعتين كامله تخيطني

دخل علي زوجي
والله الدموع بعيونه
قال صرت أب ؟؟؟

قلت له والله مدري وش رايك انت
قال انتي من جدك ماتحسين بشي ؟؟؟
خخخخخخخخخخخخخخخخ


المهم دقيت على امي
قلت لها
يمه ولدت
قفلت امي الخط بوجهي
هالكلام الساعه 4ونص الفجر

تحسبني امزح معها
وكان صوتي طبيعي
مو تعبان عشان الابره

المهم اتصلت عليها
وحلفت اني ولدت وخلصت

ماصدقت قامت تبكي


وقالت الله ييسر لك امرك
احسن شي سويتيه انك ماقلتي لي


وقفلت الخط وبشرت ابوي
المهم حطيت الجوال بالشنطه ونقلوني لغرفتي

وجابول لي ولدي عندي تصدقون اني مانمت من الفرحه

>>>> ياشيخه شبعانه نوم مع الابره
خخخخخخخخخخخخخخخخخخ





توته توته انتهت الحتوته




المستشفى رائع جدا
بس عيبهم
الطفل يخلونه عندك
مايحطونه بالحضانه


وانا ياحلوين ان شاء الله بكره اخلص الاربعين

قولوا ان شاءالله ارجع لبيتي عروسه

ان شاء الله

والمره الجايه بكتب لكم قصة نفاسي
تعبت مره

بكتبها لكم ان شاء الله بعدين
بس يبيلكم تدخلون د.كيف
خخخخخخخخخخخخخخخخخخخخخ


الله ييسر لكل حامل ويهون عليها
ويكتب لها الساعه الطيبه
والولادة الميسرة
بإذن الله
اللهم آآآآآآآآآآآآآآآآآآآآآآآآآآآآآآآآمين





دعواتكم لي



ودمتم
...................:26::26::26: