بنات هذا واحد من مواضيعي اللي كاتبته ارتجالي وانا قاعده اتابع التلفزيون وقلت و اعلمكم سر من اسرار عنايتي
قبل اي شي انا مثلي الآعلى في الجمال و العناية بالبشرة و الجسم والشباب الدائم وأسرار الإغراء طبعا اهي الملكة الفرعونية كليوباترا بنت بطليموس
هذي الملكة احبها احبها .. ما اقصد احبها شخصيا لالالا
احب قوة شخصيتها و ثقتها و اهتمامها بجمالها ولو تدرسون شخصيتها راح تعرفون معنى الآنوثة الحقيقية لا تقولون لي انوثة ممثلات هوليوود لالالالا هذي انوثتها على سنع مع انها كانت مو جميلة لكنها تقطر انوثه حقيقية والغير مصطنعه وايد تعجبني
واللي ما يعجبني فيها فساد عقيدتها واخلاقها
امبيه انا جني طولتها .. بس شسوي وايد اتحمس لما اتكلم عنها تهبل تهبل.. هذي مو صورتها صج بس خيال عنها
"أنا سويت ثورة"
و عنوان ثورتي "Don't let them fool you" "لا تخلونهم يخدعونكم"
انا وحدة من البنات اللي جربت مسكرات اللي تقوي الرموش ..اذكر منها مسكرة بايو و مسكرة اكرينال.. صح شفت تحسن بشكل رموشي بس مو ذاك التوقع اللي تصورته
اللي يعرفوني يدرون اني احب الطبيعي و اميل له وايد مو بس بعنايتي حتى بأكلي ما اكل معلبات ولا المشروبات الغازية والمواد المصنعة الا نادر جدا جدا يعني تقدرون تقولون بالسنه مرتين..الا الكاكاو طبعا ههههه ما اقدر اقاومه بس لا تكثرون منه.. وااااي ماكو فايدة فيني لازم اشط عن الموضوع الاساسي
من خلال قراءاتي عرفت بعض الحيل اللي يسوونها بعض الشركات حق منتجاتهم علشان يسوقونها و يمشونها.. على العموم يا بنات انا عرفت القمدة و قلت انا لازم اسوي شغلي بيدي نفس مكونات الشركات و يمكن احسن و يكفى اني خالطتها بعناية.. و حرام نقطط فلوسنا على منتجات تلاقون مكوناتها ما كلفتهم شي .. يكفي ما جرى منهم كفايه
انا احب اهتم بالرموش لانها من رموز الانوثة..وتلاقوني وايد اهتم اشتري المسكرة واحب احطها حتى لو من غير مكياج بس للاسف لاحظت رموشي قامت تتساقط
علشان جذي سويت خلطه لرموشي و عبيتها بمسكرة فاضية عقب ما نظفتها و عقمتها بكحول 70% و مادة الهيدروجين بيروكسايد تلاقونهم بالصيدليات.. اهي مسكرة تحلى رموشج و بنفس الوقت تعالجهم.. طبعا كالعادة ما صورت عدتي لاني بصراحه احب احط توقيعي على صوري الشخصية و برنامجي مادري اشفيه متنحر وياي
ما علينا
اللي راح تحتاجونه
سيرينج مال الابر سعة 10 مل
كبسولات الفحم تلاقونهم بالصيدلية يعطي لون اسود للمسكرة (تقدرين تستغنين عنه اذا بس ودج تستخدمين المسكرة للعلاج فقط )
كبسولات فيتامين اي همن تلاقونهم بالصيدلية (يزيد من تدفق الدم نحو البصيلات علشان جذي يتغذون و يطولون و تزيد كثافتهم)
عذاء ملكات النحل Royal Jelly (غني بالفيتامينات والمعادن) تلاقونهم بصورة كبسولات او بصورة بودرة عند محلات بيع العسل.. انا استخدم البودرة
كثيرة تلاقونها عند العطار او تقدرون تستغنون عنها و تستخدمون جل الصبار (اعتقد موجود بالصيدليات بس مو متأكدة)
هذا شكلها واهي جافة .. تنقعونها بماي ورد بالليل و الصبح تخلطونها بالخلاط علشان تتجانس
و بصراحه انا اخذها من العطار جاهزة بصورة جل ( انا ما اثق باي حواي لازم انا اخلطها بيدي بس الحواي اللي دايم اشتري منه أمين و ثقة)
طعام التمر (لانه غني بفيتامينات والمعادن)
طعام التمر تحمسونه على النار ليما يتغير بشكل بسيط و تطحنونه نااااااااااااعم بمطحنة القهوة لين يصير بودر
الطريقة:
* تفرغون كبسولة فيتامين اي 400 وحدة 400 I.U بصحن زجاجي معقم بالكحول
* تفرغين كبسوله الفحم
* تاخذين 8 مل بالابرة من الكثيره
* ربع قفشه صغيرونه من بودرة طعام التمر + ربع قفشه صغيرونه من عذاء ملكات النحل (بس اللي عندهم حساسية منها لا يستخدمونها)
تخلطونهم مع بعض و تحطونهم بعلبة المسكرة الفاضيه عن طريق الابرة و حطوها و انتوا في البيت راح تلاحظون رموشكم كثفت و طالت بعد اسبوعين طبعا تعتمد النتيجة على طبيعة جسمج ومدة استخدامج للخلطة
* في بنات يحبون يستخدمون زيت الخروع بصراحه انا ما استخدمه لرموشي جذي ما احب احطه على رموشي مع انه وايد مفيد
ومابي منكم غير دعواتكم لي ولاخوي ان ربي يشفيه شفاء لا يغادر سقما
ويشفي اخوك عاجلا غير اجلا
طيب عطينا النتائح ووش كانت وكم الاستمرار كان