سو لي جدول على قد راتب زوجي

السلام عليكم ورحمة الله /

اخباركم حوائيات !

عندنا مشكلة براتب زوجي الله يسلمكم مايبقى منه الا قليل يعني 1000 زي كذا

راتبه قبل لانسحب القرض 8 الاف والحمدلله قولو ماشاءلله لانو كان حالنا زفت

والحين سحب قرض وصاير يبقى 5الاف و500 ريال المشكله هنا !! انوو مدري وين يطير الراتب

سكنا ببيت اهله ملك لانو الاجارات بهذلتنا بهدله وقلت يمكن الفترة ديك يروح الراتب عشان الاجار طيب دحين الحمدلله احنا ببيت ملك يعني مافي اجار

ابغى تقسمون لي 5الاف وال500 دي

متطلبات المطبخ كل شهر من ماكولات زي رز استبعدو الدجاج ماناكله زيوت منظفات بصل ثوم ااشياء المطبخ ابغى تخصصون لي مبلغ له ويصيرر امشي عليه على فكرة احنا قليلين انا وزوجي وبنتي صغيرة سنتين

فواتير جوالات ماعندنا ماشين على شحن عادي رصيد

حفايظ بنتي وحليب بنتي تستهلك حفايظ وحليب الله يهديها تعبتني مي راضيه تنفطم ولاتتعو على الحمام
خصصولي مبلغ تقريبا لها حفايظها بيبي جوي وحليب نيدو للاطفال يعني بالشهر علبتين حليب وكيسين حفايظ
على فكره انا احب اخرج اشتري من الاسواق يعني بجايم لبنتي احب اروح محلات ابو ريالين اقضي وبيتي يبغاله اكسسوارات وانا من عشاق ذي الاشياء ولين دحين زعلانه ومطنقرة لانو بيتي فاضي ومافي فلوس تبقى عشان اشتري
وخخصولنا مبلغ بسيط نجمعه

الله يسعدكم ويعافيكم