السلام عليكم ورحمة الله
كيفكم بنات حواء ؟من أكبر وحده لحد اصغر بنوته :)
"تعلمت درس وبغيت اشارككم فيه " وباذن الله الحين قاعده انبه نفسي عشان ما اوقع فيه واصلح الخطا
بالبدايه اعترف ان اللي عرفني بالخطا هو صفعة بالوجه (مجازا :35:)
مريت بتجربه كنت اهدي شخص عزيز علي (وشخص عزيز بكل معنى الكلمه الله يحفظها ) هدايا مو بصوره كثيره بس يعني احيانا برمضان او عيد ، وصرت اتثاقل اهديها مش بخلا ولكن احس بتعب وانا ادور وافكر شو راح يرضيها
تصدقوا لو اني اعرف ان هداياي تغضبها ما هديتها ......بس لان اعرفها انها تحب الهدايا بس المشكله ما تعبر عن فرحتها ولا حتى تستخدم الهديه يمكن تستخدم وحده وعشر لا ...وهذا مخليني افكر مليون مره قبل لا اهديها مع اني احيانا اشتري اشياء حلوه وانا متاكده انها تحتاج لها بس هي ما لها نفس تغير شي
في ما ذكر اعلاه كانت الصفعه الخفيفه لي اللي صحتني .................خلتني احس شعور الشخص اللي يهدي وما احد يرحب بهديته او يقدرها او يقول شكرا
كم وحده زوجها جاب شي وهو بداخله يعتبره هديه وهي شافت عليه انه جزء من مسؤولياته ؟
مره زوجي جاب لبنتي هديه وقال يا عقد ما نسيتك جبت هديه ....تتوقعون شو هي ؟ ولاعه فحم عشان بخور :mad: هههههههههههه ما عليكم من الفيس بس انا صرت كذا جايب لبنته هديه هههههههه لانها البكر وهي بنت 3 ايام ...وانا معاه 10 شهور جايب لي ولاعه!!!!! ولا بعد يعني استخدام جماعي هههههه . الغلطه اني ما فرحت وقلت له تو هذي هديه لي او للبيت ؟
مره قلت له ابغي اشتري عطر قال لي ما فاضي ومر اسبوعين وانا انتظر الطلعه للسوق وكنت ما حابه العطور الشرقيه ابغي فرنسي لقرب الصيف ، طلع روحه السوق وجزاه الله خير جاب لي عطر هديه (هو اعتبرها هديه وانا اعتبرتها تسكيته ) المهم جاب عطر الله يعطر حياته بالايمان والسعاده ويا بنات الله وكيلكم جاتني دوخه مب طبيعيه الله يهديه ريحته قويه ما قدرت ابخ كل ما بخيت حسيت بصداع والمشكله شرقي :44:...
وصابني بسبب هالعطر غباء وجفاف في المشاعر ما انلام وقلت لزوجي المصون : تكفى لا عاد تختار روحك لي عطر خذني معك او قولي بعطيك اسم "
وما دريت ان بهالاشياء اقتل شي اسمه المبادره بالهدايا من زوجي المصون واللي يمر الاعياد وما يجيب لي شي وما اكذب لو اقول لكم مرت 10 اعياد ويمكن جاب لي مره وحده هديه في عيد ويا خوفي ان خويه شرى لزوجته وزوجي تذكر ان عنده وحده بالبيت بمسمى انثى .:27:
تذكرت وحده تقول تسوي نفسها فرحانه حتى لو جايب كيس برتقال ..........
ايييييه وبغيت انبه الرجل يعتبر ان اي شي يسويه لاهله هو كرما من عنده حتى لو جاب شي من مستلزمات البيت .
عشان كذا احاول بمدحه حتى لو جاب كيس بصل اليوم بصل بكره فراوله ههههه شو رايكم
شوفوا ضيعت 5 سنوات لو شاكره على ولاعة الفحم كان الحين يمكن ترقيه ويكون عندي مثلا عطر غالي والسنه اللي بعدها يمكن خاتم واللي بعد عقد يا سلالالالالالالالالالالالالام :hahaha: ....وراح يتدرج ويمكن لا صرت عجيز راح اترقى برتبه صاحبة عقار خخخخ من هدايا المصون زوجي<<< اشفيش كذا مب مصدقه كل شي يصير حتى لو راتبه ع قده "قاعده اكلم احد العضوات مب مصدقه الترقيه :hahaha:
عاد من الحلوه اللي زي قتلت روح المبادره ؟ تعلموا لا تطيحوا بالخطا
عقد_الياسمين @aakd_alyasmyn_1
محررة فضية
يلزم عليك تسجيل الدخول أولًا لكتابة تعليق.
أم ميشو
•
ههههههههههههه ياحليلك
والله انك صادقه بس مستحيل افرح بكرتون برتقال ولاكيس بصل
هذا واجب عليه
المفروض الهديه تكون حاجة خاصة فيك مو شي مشترك
ياشيخة الله يسخرهم لنا ويجملنا بعيونهم .. :)
والله انك صادقه بس مستحيل افرح بكرتون برتقال ولاكيس بصل
هذا واجب عليه
المفروض الهديه تكون حاجة خاصة فيك مو شي مشترك
ياشيخة الله يسخرهم لنا ويجملنا بعيونهم .. :)
الله يرزقنا والله لي متزوجه ٥سنوات شفت جاب لي هديه ساعه وبعد كدا ماشفت شي رغم اني شكرته ولبستها كم مره بس يقول لي ابغك تلبسها طول اليوم وانا بصراحه مااحب الساعات بس مابينت له وبعد كدا ماشفت شي ليومك هداالله يرزقنا والله لي متزوجه ٥سنوات شفت جاب لي هديه ساعه وبعد كدا ماشفت شي رغم اني شكرته ولبستها...
عادي يا الغلا البسيها وحطيها قدامه 24 ساعه ، بس عاد زيدي من عندك وقولي حلوه لو ان اقدر اغير الوانها على لون كل لبس كان رهيبه يمكن يحس ويجيب هدايا ثانيه :hahaha:
المشكلة انه معترف انه مقصر في الهدايا واني استاهل الهدية على قولته المحبه في القلب والتلفظ به بدعة هههههههههههه
حبي فهد :
لا يمكنك مشاهدة هذا التعليق لانتهاكه شروط الاستخدام.
هلا وغلا والله يحنن قلب زوجك عليك يارب ............يعني الحين اثبتي ان المدح يجيب نتيجه صح ؟
حتى لو زوجك مو عصبي يالغلا لازم تمدحي
حتى لو زوجك مو عصبي يالغلا لازم تمدحي
الصفحة الأخيرة
بس مابينت له
وبعد كدا ماشفت شي ليومك هدا