والله انتي مواضيعك متناقضه بصراحه
مره خوات الزوج شريرات ومره كيف تخلي زوجة اخوك تمشي على كيفك
مااقول الا الله يعينها مسكينه اذا ناوين عليها من الحين

الله يعينها ويعين الجميع هي لها حياتها الخاصه وانتم لكم حياتكم انتم مزوجينها أخوكم مؤ العائلة عاملوها بما يرضي الله بالاحترام وماتدخلو بحياتها أبدا

اشتروا لكم ريموت كنترول و وصلة تحكم 
وخلي اخوكي يوديها المستشفى عشان يزرعون وصلة التحكم بجسمها وكل مابغيتيها بشي لايردك الا ريموت الكنترول خخخخخ

الحين فهمت ليش كتبت موضوع اخوات الزوج شريرات
كنتي تقصدين نفسك اكيد يا شريرة

شكلك غرتي من مواضيع فانيلا والجازي

شوفي حبيبتي
في البدايه لازم تستوعبون إنه أخوك تزوج وبيكون له حياته الخاصه مع زوجته
أنتم إلي عليكم تعاملونها بود وإحترام وما تفرضون عليها شي ما ترغب فيه
أو ماتعودت عليه لإنها بالنهايه بشر ولها شخصيتها و كرامتها
مثل ما تحبون أهل أزواجكم يعاملونكم بالضبط إعملو معها
إن بادلتكم الإحترام والتقدير حلو .. كانت رسميه معكم خلوها براحتها
أهم شي تكون هي و أخوك متفقين ...
من الشغلات إلي تضايق زوجة الأخ هي عدم إحترام أهل الزوج لها
تهميشها المبالغ أو التدخل بخصوصيتها مع زوجها
تحريض الزوج عليها والتنكيد
عدم إلتماس العذر لها في أي تصرف وإسائة الظن فيها
لما تشتكون عليها عند زوجها وتشوهون صورتها عنده
لما تحتقرونها عند جماعتكم وضيوفكم وماتعملون لها قيمه
هذي الشغلات كلها تخلي الزوجه تكره أهل زوجها وتبعد عنهم
مسألة يا إختي تقولين تدور رضانا !! هذي صعبه يا إختي
مو لازم تدور رضاكم بس أقلها تحترمكم لإنه بالنهايه إرضاء الناس غايه لا تدرك
تخيليها هي تقول أبغى أهل زوجي يدورون رضاي ؟! ماراح تتقبلون هالشي
وبتعتبرونها متكبره عليكم !
فقط أعملو بأصلكم وتربيتكم وحطو مخافة الله أمام عيونكم ولو حصل منها تقصير
الله إلي بيحاسبها وكما تدين تدان